Сцяг Чацвер, 28 сакавіка 2024
Усе навіны
Усе навіны
Прэзідэнт
15 студзеня 2016, 18:54

Прэзідэнт Беларусі ўручыў ордэн Айчыны III ступені міністру аховы здароўя

15 студзеня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка сёння ўручыў ордэн Айчыны III ступені міністру аховы здароўя Васілю Жарко, перадае карэспандэнт БЕЛТА.

Ордэнаў Пашаны ўдастоены міністр працы і сацабароны Мар'яна Шчоткіна і галоўны архітэктар праектаў праектнага рэспубліканскага ўнітарнага прадпрыемства "Белпрампраект" Марат Гроднікаў.

Медаль "За працоўныя заслугі" Аляксандр Лукашэнка ўручыў галоўнаму трэнеру хакейнай каманды "Юнацтва-Мінск" Міхаілу Захараву і палітычнаму аглядальніку галоўнай рэдакцыі АТН Нацыянальнай дзяржаўнай тэлерадыёкампаніі Андрэю Крывашэеву.

Акрамя таго, ганаровае званне "Заслужаны артыст Рэспублікі Беларусь" прысвоена артысту-вакалісту (салісту) Маладзёжнага тэатра эстрады Вікторыі Алешка.

Узнагароды Аляксандр Лукашэнка ўручыў сёння ў час афіцыйнага прыёму ад імя Прэзідэнта Беларусі на стары Новы год. Гэтых узнагарод прадстаўнікі розных галін удастоены за высокі прафесіяналізм, актыўную грамадскую дзейнасць, значны асабісты ўклад у рэалізацыю сацыяльна-эканамічнай палітыкі, заслугі ў развіцці будаўнічай сферы, аховы здароўя, культуры і спорту.-0-

Падпісвайцеся на нас у
Twitter
Топ-навіны
Свежыя навіны Беларусі