Сцяг Чацвер, 28 сакавіка 2024
Усе навіны
Усе навіны
Прэзідэнт
28 снежня 2017, 17:10

Прэзідэнт Беларусі падпісаў указ аб адлюстраванні курсавых розніц у падатковым уліку

28 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 28 снежня падпісаў указ нумар 468 "Аб адлюстраванні курсавых розніц у падатковым уліку", паведамілі БЕЛТА ў прэс-службе беларускага лідара.

У адпаведнасці з дакументам арганізацыям прадастаўлена права назбіраныя на 31 снежня 2017 года ў бухгалтарскім уліку сумы перавышэння дадатных курсавых розніц над сумамі адмоўных курсавых розніц паэтапна да канца 2018 года адлюстраваць (у парадку і тэрміны, устаноўленыя кіраўніком арганізацыі) у складзе пазарэалізацыйных даходаў і ўлічыць пры пералічэнні ў бюджэт часткі прыбытку ў адпаведнасці з указам нумар 637 ад 28 снежня 2005 года.

Дакумент дазволіць не дапусціць негатыўных фінансавых наступстваў для арганізацый у выглядзе павелічэння за адзін раз па выніках 2017 года падатковай базы па падатку на прыбытак і адлічэнняў часткі прыбытку, тым самым захаваць у пачатку года абаротныя сродкі ў распараджэнні гэтых арганізацый і, як вынік, забяспечыць іх стабільную работу.-0-

Падпісвайцеся на нас у
Twitter
Топ-навіны
Свежыя навіны Беларусі