18 студзеня, Мінск /Кар. БЕЛТА/. Прапановы, якія паступілі ў ходзе ўсенароднага абмеркавання праекта змяненняў у Канстытуцыю Беларусі сёння абмяркоўваюць на нарадзе ў кіраўніка дзяржавы Аляксандра Лукашэнкі, паведамляе БЕЛТА.
Як інфармуе Telegram-канал "Пул Першага", усяго на гэты момант паступіла каля 6 тыс. прапаноў. "Сёння Прэзідэнт збірае членаў Канстытуцыйнай камісіі і рабочай групы. Усё яшчэ раз дэталёва прааналізуюць", - інфармуе рэсурс.
Як паведамлялася БЕЛТА, праект змяненняў і дапаўненняў Канстытуцыі быў абнародаваны 27 снежня мінулага года для ўсенароднага абмеркавання.-0-
