Сцяг Панядзелак, 4 сакавіка 2024
Усе навіны
Усе навіны
Прэзідэнт
23 лютага 2023, 16:31

Пра незвычайную палітыку КНР, дробязнасць ЗША і канфлікт ва Украіне. Падрабязнасці інтэрв'ю Лукашэнкі кітайскім СМІ

23 лютага, Мінск /Кар. БЕЛТА/. Прэзідэнт Беларусі Аляксандр Лукашэнка 23 лютага даў інтэрв'ю кітайскім сродкам масавай інфармацыі, паведамляе БЕЛТА.

У якасці інтэрв'юераў выступілі кіраўнік карэспандэнцкага пункта Сіньхуа ў Беларусі Лу Цзіньба і карэспандэнт Медыякарпарацыі Кітая, вядучая праграмы "Размова лідараў" Лі Тунтун.

У час інтэрв'ю журналісты ў першую чаргу цікавіліся, як развіваюцца адносіны Кітая і Беларусі ў розных сферах, іх гісторыяй і перспектывамі. Размова ішла пра гандлёва-эканамічнае ўзаемадзеянне і значныя сумесныя праекты, якія рэалізуюцца на тэрыторыі Беларусі, уключаючы індустрыяльны парк "Вялікі камень" і БНБК, а таксама аб новых магчымасцях у кантэксце ініцыятывы "Адзін пояс, адзін шлях".

Аляксандр Лукашэнка адказаў таксама на пытанні аб глабальных геапалітычных працэсах, якія адбываюцца ў свеце. У цэнтры ўвагі была і тэма канфлікту ва Украіне, магчымасці яго мірнага ўрэгулявання.

Кіраўнік дзяржавы падкрэсліў, што сёння ні адно пытанне ў свеце не можа сёння вырашацца без удзелу КНР. "Кітай стаў глабальнай краінай са сваёй глабальнай палітыкай. Я ведаю, сёння-заўтра Сі Цзіньпін выступіць з заявай або прамовай наконт канфлікту ва Украіне. Прашу звярнуць увагу, што гэта такі незвычайны для кітайскай палітыкі крок. Кітайцы заўсёды акуратныя, асцярожныя. Туды, куды не трэба, яны не лезуць. Калі яны разумеюць, што гэта не дасць патрэбнага выніку, яны таксама не стануць рабіць у гэтым напрамку крокі", - заўважыў Прэзідэнт.

"Дык вось. Калі Кітай вырашыў агучыць сваю пазіцыю такім чынам, з вуснаў вышэйшай службовай асобы, Сі Цзіньпіна, гэта будзе мець сур'ёзныя наступствы. І калі гэта пасланне, якое прагучыць з вуснаў лідара Кітая, не будзе пачута тымі, каму яно будзе адрасавана, гэта таксама будзе мець сур'ёзныя наступствы, - заявіў Прэзідэнт. - Таму я, проста забягаючы наперад, раю тым, каму будуць адрасаваны словы Сі Цзіньпіна, прыняць іх сур'ёзна і зрабіць пэўныя крокі. Гэта будзе сур'ёзны голас у імя міру ў гэтым рэгіёне".

У інтэрв'ю Аляксандр Лукашэнка таксама выказаўся наконт нядаўняга візіту Прэзідэнта ЗША Джо Байдэна ў Кіеў. Паводле слоў кіраўніка дзяржавы, гэта падзея стаіць у адным радзе з інцыдэнтам з кітайскім паветраным шарам, збітым Злучанымі Штатамі. "Такі дробны, непрыстойны крок", - сказаў кіраўнік дзяржавы.

Аднак такі ход нельга лічыць арыгінальным, такі візіт, таксама з амерыканскага боку, ужо быў не так даўно, намякнуў Прэзідэнт. "Гэта папугайніцтва. Гэта ўжо было. Такі ж візіт. Навошта? Выбары прэзідэнцкія. Ён хоча, Джо Байдэн, на кані вайны прыскакаць у гэту выбарчую кампанію. Вось тут дакладна не атрымаецца", - заявіў ён.

"Вы цудоўна разумееце сітуацыю ў свеце. Кітаю спакойнага жыцця не будзе, - звярнуў увагу Аляксандр Лукашэнка. - Галоўны сапернік Злучаных Штатаў Амерыкі - гэта Кітай. Амерыканцы гэтага і не ўтойваюць. Сумна, што яны апусціліся нават да дробязі".

Кіраўнік дзяржавы растлумачыў, што размова ідзе пра кітайскі грамадзянскі паветраны шар, збіты амерыканцамі: "Яны па-амерыканску арганізавалі шоу: напружвалі, напружвалі сваё грамадства, каб усе бачылі, якая "небяспека" ад гэтага кітайскага аб'екта. І калі 300 млн чалавек, амерыканцаў, былі сканцэнтраваны на гэтым аб'екце, яны яго збілі. Для чаго? Выбары наперадзе. Паказаць свой гераізм".

Агенцтва Сіньхуа, заснаванае ў 1931 годзе, цяпер лічыцца самым уплывовым інтэрнэт-рэсурсам Кітая. Навіны ў мультымедыйным фармаце выходзяць кругласутачна на васьмі мовах, у тым ліку на рускай. Аўдыторыя агенцтва, паводле розных ацэнак, вар'іруецца ад 800 млн да 1 млрд чалавек. Сіньхуа мае 35 аддзяленняў у Кітаі, больш як 180 карпунктаў за мяжой, у тым ліку ў Мінску.

Медыякарпарацыя Кітая - адна з буйнейшых у свеце. Створана ў 2018 годзе на базе Цэнтральнага тэлебачання Кітая, Народнага радыё і Міжнароднага радыё гэтай краіны. У склад карпарацыі таксама ўваходзіць сетка тэлеканалаў замежнага вяшчання CGTN. Матэрыялы медыякарпарацыі даступны ў 143 краінах і рэгіёнах свету, ахоп аўдыторыі - больш за 1 млрд чалавек у Кітаі і за яго межамі.-Э-

Падпісвайцеся на нас у
Twitter
Топ-навіны
Свежыя навіны Беларусі