29 снежня, Мінск /Кар. БЕЛТА/. Перад пачаткам сустрэчы ў Санкт-Пецярбургу Прэзідэнт Расіі Уладзімір Пуцін заехаў на машыне за Прэзідэнтам Беларусі Аляксандрам Лукашэнкам. Аб гэтым інфармуе Telegram-канал "Пул Першага", паведамляе БЕЛТА.
Як паведамлялася БЕЛТА, у якасці месца для сустрэчы лідараў дзвюх краін выбраны Канстанцінаўскі палац у Стрэльне. Кіраўнікі дзяржаў абмяркуюць актуальныя пытанні беларуска-расійскага супрацоўніцтва. Пасля сустрэчы Аляксандр Лукашэнка і Уладзімір Пуцін плануюць згуляць у хакей.
Напярэдадні Аляксандр Лукашэнка прыняў удзел у нефармальным саміце кіраўнікоў дзяржаў СНД. Лідары краін мелі магчымасць працяглы час паразмаўляць і ў нефармальнай абстаноўцы.-0-