22 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка перад новым віцэ-прэм'ерам Пятром Пархомчыкам паставіў шэраг задач па вырашэнні праблемных пытанняў у сферах, якія ён курыруе. Аб гэтым стала вядома па выніках праведзенай сустрэчы ў Палацы Незалежнасці.
"Прэзідэнт у першую чаргу павіншаваў з днём нараджэння, а потым даў адпаведныя даручэнні па развіцці нашай прамысловасці", - расказаў журналістам віцэ-прэм'ер.
Паводле яго слоў, галоўная задача, якую трэба вырашыць, - не дапусціць зніжэння аб'ёмаў вытворчасці, забяспечыць рост экспарту, не дапусціць павелічэння запасаў на складах. "Калі сёння па Міністэрстве прамысловасці такіх пытанняў не існуе, ёсць дадатная дынаміка, вынікі, то па асобных галінах - "Беллегпрам", "Белнафтахім", - (трэба. - Заўвага БЕЛТА) паглыбіцца як мага больш, знайсці ўсе прычыны і пастарацца аказаць на іх істотны ўплыў, каб была дадатная дынаміка", - адзначыў Пётр Пархомчык.
Ён таксама расказаў, што традыцыйна кіраўніком дзяржавы была акцэнтавана ўвага на пытаннях імпартазамяшчэння. Размова ідзе аб канкрэтных праектах. Напрыклад, рабоце Мёрскага металапракатнага завода, дзе нядаўна пабываў кіраўнік дзяржавы. "Ёсць упэўненасць, што тыя дзеянні, якія былі зроблены, даюць ужо станоўчыя вынікі. Па гэтым месяцы мы і вырабім, і рэалізуем каля 6 тыс. тон белай бляхі. Гэта вельмі добры вынік. І самае галоўнае, што ёсць заказы на белую бляху на наступныя месяцы", - сказаў віцэ-прэм'ер.-0-
