24 верасня, Мінск /Кар. БЕЛТА/. Падзяка Прэзідэнта Беларусі за шматгадовую плённую працу, высокі прафесіяналізм, значны асабісты ўклад у развіццё аграпрамысловага комплексу аб'яўлена васьмі работнікам прадпрыемстваў і мясцовых органаў улады. Адпаведнае распараджэнне падпісаў кіраўнік дзяржавы Аляксандр Лукашэнка, паведамілі БЕЛТА ў прэс-службе беларускага лідара.
Узнагароды ўдастоены старшыня Віцебскага аблвыканкама Мікалай Шарснёў, галоўны аграном ААТ "Грыцкевічы" Іван Валетаў, трактарысты-машыністы агракамбіната "Холмеч" Іван Вырвіч і ААТ "Смалявічы-Сузон" Алег Гурыновіч, а таксама кіраўнікі наступных прадпрыемстваў: СУП "Палессе-Аграінвест" Міхаіл Капінскі, ААТ "Магілёўскі мясакамбінат" Сяргей Любянкоў, ААТ "Булачна-кандытарская кампанія "Дамачай" Наталля Падлесных і ААТ "Бабуліна крынка" - кіруючая кампанія холдынга "Магілёўская малочная кампанія "Бабуліна крынка" Генадзь Скітаў.-0-
