28 мая, Мінск /Кар. БЕЛТА/. Кіраўнік дзяржавы Аляксандр Лукашэнка падпісаў распараджэнне, якім прынята рашэнне аб фінансаванні расходаў спецыяльнага фонду Прэзідэнта Рэспублікі Беларусь па падтрымцы таленавітай моладзі ў 2020 годзе ў памеры Br710 тыс. з рэспубліканскага бюджэту за кошт сродкаў рэзервовага фонду Прэзідэнта. Аб гэтым БЕЛТА паведамілі ў прэс-службе беларускага лідара.
Распараджэннем таксама зацверджана рашэнне савета спецыяльнага фонду, у адпаведнасці з якім больш як Br58 тыс. накіравана на падтрымку ста прадстаўнікоў таленавітай моладзі і пяці калектываў мастацкай творчасці.
Заахвочваннямі фонду адзначаны пераможцы міжнародных і рэспубліканскіх конкурсаў і фестываляў у галіне музычнага, харэаграфічнага, цыркавога, выяўленчага і іншых відаў мастацтваў.
Прыняцце распараджэння з'яўляецца сведчаннем увагі дзяржавы да пытанняў стварэння ўмоў для пошуку, развіцця і навучання таленавітай моладзі, стымулявання іх творчай актыўнасці, прафесійнага росту і станаўлення.-0-