14 мая, Мінск /Кар. БЕЛТА/. На перагаворах у Мінску з Прэзідэнтам Зімбабвэ Эмерсанам Мнангагвам вызначаны новыя сумесныя праекты. Аб гэтым заявіў Прэзідэнт Беларусі Аляксандр Лукашэнка па выніках перагавораў у Мінску з зімбабвійскім калегам, перадае карэспандэнт БЕЛТА.
Кіраўнік дзяржавы адзначыў, што бакі правялі вельмі насычаныя і рэзультатыўныя перагаворы. "Да нас вельмі эфектыўна папрацавалі нашы спецыялісты і міністры. Абмеркавалі шырокае кола пытанняў, разгледзелі, як выконваюцца ўжо дасягнутыя дамоўленасці (у тым ліку ў ходзе візіту ў Зімбабвэ два гады таму). Вызначылі новыя сумесныя праекты. Пры гэтым асаблівую ўвагу ўдзялілі развіццю перспектыўных напрамкаў, уключаючы міжрэгіянальнае ўзаемадзеянне і прамысловую кааперацыю", - сказаў Аляксандр Лукашэнка.
Падпісаны пакет двухбаковых дакументаў. У яго аснове - дарожная карта на 2026-2030 гады, у якой улічаны ўсе ключавыя сумесныя праекты ў розных сферах.
Аляксандр Лукашэнка запрасіў Прэзідэнта Зімбабвэ і яго жонку Аксілію Мнангагву яшчэ не раз наведаць Беларусь. Ён запэўніў, што зімбабвійскі лідар будзе адчуваць сябе нават не як дома, а сапраўды будзе дома - на беларускай зямлі. "Я вельмі ўдзячны вам за ўсё, што вы зрабілі. Аддаю належнае таму, што не было б такога ўзроўню разумення і адносін паміж Зімбабвэ і Беларуссю, калі б не вы. Гэта вы прыехалі некалі, з'яўляючыся віцэ-прэзідэнтам, у нашу краіну і прапанавалі выбудоўваць нашы адносіны. З гэтага ўсё і пачалося", - дадаў Прэзідэнт Беларусі.-0-
Кіраўнік дзяржавы адзначыў, што бакі правялі вельмі насычаныя і рэзультатыўныя перагаворы. "Да нас вельмі эфектыўна папрацавалі нашы спецыялісты і міністры. Абмеркавалі шырокае кола пытанняў, разгледзелі, як выконваюцца ўжо дасягнутыя дамоўленасці (у тым ліку ў ходзе візіту ў Зімбабвэ два гады таму). Вызначылі новыя сумесныя праекты. Пры гэтым асаблівую ўвагу ўдзялілі развіццю перспектыўных напрамкаў, уключаючы міжрэгіянальнае ўзаемадзеянне і прамысловую кааперацыю", - сказаў Аляксандр Лукашэнка.
Падпісаны пакет двухбаковых дакументаў. У яго аснове - дарожная карта на 2026-2030 гады, у якой улічаны ўсе ключавыя сумесныя праекты ў розных сферах.
Аляксандр Лукашэнка адзначыў, што ў ходзе візіту Эмерсана Мнангагвы ў Беларусь дасягнуты значныя вынікі. Гэтаму папярэднічала вялікая работа ўрадаў, профільных міністэрстваў, рэгіянальных улад і кампаній.
"Але я хачу выказаць шчырую ўдзячнасць менавіта вам за вялікі асабісты ўклад у развіццё стратэгічных адносін дружбы і братэрства паміж народамі Беларусі і Зімбабвэ. Перакананы, з такой падтрымкай мы яшчэ актыўней будзем нарошчваць тавараабарот, ствараць сумесныя перспектыўныя вытворчасці, адкрываць новыя рынкі як у Афрыцы, так і ў Еўразіі", - падкрэсліў беларускі лідар.
Падпісвайцеся на нас у
