ДЗЯРЖОРГАНЫДЗЯРЖОРГАНЫ
Флаг Пятніца, 21 студзеня 2022
Мінск -4°C
Усе навіны
Усе навіны
Прэзідэнт
26 лістапада 2021, 15:29

"Не хочаце вырашаць - скажыце, мы без вас будзем вырашаць гэту праблему". Лукашэнка аб ЕС і праблеме бежанцаў

26 лістапада, Мінск /Кар. БЕЛТА/. Еўрасаюз не імкнецца вырашаць праблему бежанцаў, якая склалася на граніцах Беларусі і ЕС. Аб гэтым Прэзідэнт Беларусі Аляксандр Лукашэнка заявіў журналістам пасля наведвання ТЛЦ з бежанцамі на граніцы з Польшчай, перадае карэспандэнт БЕЛТА.

Аляксандр Лукашэнка расказаў, што ў першай размове з в.а. канцлера Германіі Ангелай Меркель ён папрасіў забраць больш за 2 тыс. чалавек, якія знаходзяцца на граніцы з Польшчай. "Па размове з Меркель я зразумеў, што яна добра разумее гэта і яна не супраць. Вядома, адыходзячы чалавек, яе паўнамоцтвы практычна скончыліся. І другое - еўрапейская салідарнасць. Яна мяне папрасіла, адпаведна, адправіць на радзіму тых, хто ў нас ёсць. Я сказаў, што мы будзем над гэтым працаваць. І двойчы ёй паўтарыў: мы пастараемся да новага года гэту праблему вырашыць. Мы не будзем іх рэпатрыіраваць. Мы папросім, каб маглі выехаць (тыя, хто хоча. - Заўвага БЕЛТА)", - расказаў кіраўнік дзяржавы.

"Як бачыце, я выконваю свае абавязацельствы: ужо больш за 1 тыс. чалавек выехалі, 400 яшчэ хочуць выехаць, знаходзяцца сёння ў аэрапорце. Няхай плацяць грошы, як яны абяцалі, самалёты фрахтуюць, яны прылятаюць, забіраюць людзей", - падкрэсліў беларускі лідар.

Паводле яго слоў, у ходзе другой размовы з Ангелай Меркель яна сказала, што праблема бежанцаў на граніцы будзе вырашацца на ўзроўні ЕС, дамовіліся вызначыць кантактных асоб для гэтай работы. "Яна гаворыць: "Вось гэтыя людзі ўжо на ўзроўні ЕС вырашаць названую праблему". Я даручыў міністру (замежных спраў. - Заўвага БЕЛТА), ён на заўтра пазваніў. Адказ: "Ды нам цяпер не да гэтага, у нас камандзіроўкі". Відаць, не хочуць вырашаць гэту праблему. Сутнасць у чым: не хочаце вырашаць - скажыце, мы без вас будзем вырашаць гэту праблему!" - расказаў кіраўнік дзяржавы.

У цэлым па выніку ён канстатаваў, што з боку ЕС у вырашэнні праблемы бежанцаў воз і цяпер там.

"Больш таго, я назіраю, адзін з дзеячаў, якога яна прозвішча назвала, паводзіць сябе проста агідна. Ён робіць заявы, абражаючы не толькі краіну, але і мяне асабіста. Паўстае пытанне: як мне зрабіць у гэтай сітуацыі? Выкінуць яго адсюль, калі ён прыедзе? (Хоць ён і не ехаў сюды.) Проста яны нагнятаюць абстаноўку і робяць усё, каб сарваць той працэс, які пачаўся ў выніку маёй размовы з Меркель. Я бачу: палякі таксама ідуць на абвастрэнне, таму што ў Польшчы сама сітуацыя няпростая. Мільярды трэба атрымаць і адцягнуць увагу людзей ад тых праблем, якія існуюць у Польшчы, - ад абортаў да фермераў", - сказаў Прэзідэнт.

Ён таксама падкрэсліў: "Мы не будзем даймаць гэтых людзей (бежанцаў. - Заўвага БЕЛТА). Яны не хочуць вырашаць гэту праблему нават па тых напрамках, дзе яе можна вырашыць. Ну што такое Чырвонаму Крыжу дапамагчы нейкімі грашыма або Міністэрству аховы здароўя дапамагчы пралячыць гэтых людзей... Тут жа хворых людзей шмат. А пачнецца зіма, а не дай бог пандэмія і іншае, іншае! Что, яны гэтага не разумеюць? Прыехалі, пакрасаваліся тут, паехалі - цішыня".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі