ДЗЯРЖОРГАНЫДЗЯРЖОРГАНЫ
Чацвер, 23 студзеня 2020
Мінск Пераменная воблачнасць -1°C
Усе навіны
Усе навіны
Прэзідэнт
04 снежня 2019, 15:06

"Не горшы, чым у былыя гады" - Лукашэнка станоўча ацэньвае новы склад парламента

Фота з архіва
Фота з архіва

4 снежня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка станоўча ацэньвае выбраны ў краіне новы склад парламента. Аб гэтым ён заявіў сёння на нарадзе з актывам Мінскай вобласці, перадае карэспандэнт БЕЛТА.

"Мы нядаўна правялі парламенцкія выбары. Я, знаходзячыся ў Віцебскай вобласці, падзякаваў нашым людзям і кіраўнікам участковых, акруговых камісій, якія проста бліскуча справіліся з гэтай задачай. Вы чуеце, што я часта падкрытыкоўваю Захад за ацэнку нашых выбараў. Але павінен сказаць, прагрэс і сярод іх па ацэнцы нашых выбараў уражальны", - адзначыў Прэзідэнт.

"Гэта наша краіна, і мы з вамі будзем вызначаць, як ёй быць далей. Але ні ў якім разе нельга растапыранымі пальцамі трымаць уладу. Бо будзем пажынаць плады, як у нашых суседзяў", - падкрэсліў беларускі лідар.

Ён адзначыў, што грамадзяне ў сваёй пераважнай большасці падтрымалі на выбарах прапанаваныя ўладай кандыдатуры. "І мы выбралі, я адчуваю, нядрэнны па складзе парламент. Не горшы, чым у былыя гады. Можа, лепшы", - лічыць Аляксандр Лукашэнка.

У сувязі з гэтым Прэзідэнт звярнуў увагу, што ў адказ неабходна чуць людзей і адказваць на іх чаканні і просьбы. "Я разумею, што ёсць некаторыя штатныя скаржнікі, але іх нязначная меншасць. Многія людзі прыходзяць таму, што ім няма каму дапамагчы. І яны маюць права разлічваць на ўладу. Улада ад народа, як мы гаворым, - акцэнтаваў увагу кіраўнік дзяржавы. - Таму я вас вельмі прашу: памятайце, што сёння мы з вялікімі партфелямі, а заўтра мы будзем звычайнымі людзьмі. Каб не было вельмі балюча за гэтыя гады перад народам. І каб у нас потым палкамі не кідалі за цяперашняе стаўленне да тых людзей, якія нас паставілі на гэтыя пасады. Усіх нас - ад Прэзідэнта да дзяржаўных служачых, якія тут сядзяць".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі