Мабільная версія
ДЗЯРЖОРГАНЫ
Апошнія навіны
Усе навіны

Назначаны новыя паслы Беларусі ў Латвіі і Фінляндыі

Прэзідэнт 18.09.2018 | 15:07

18 верасня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка правёў кадравыя назначэнні ў дыпламатычным корпусе, перадае карэспандэнт БЕЛТА.

Надзвычайным і Паўнамоцным Паслом Беларусі ў Латвіі назначаны Васіль Марковіч.

Аляксей Самасуеў назначаны Надзвычайным і Паўнамоцным Паслом Беларусі ў Фінляндыі і па сумяшчальніцтве ў Даніі.

Акрамя таго, Прэзідэнт назначыў Вячаслава Брыля Надзвычайным і Паўнамоцным Паслом Беларусі ў Кот-д'Івуары па сумяшчальніцтве.

"Прэзідэнт не раз гаварыў, што з суседзямі павінны быць цудоўныя адносіны. Нацэленасць на гандлёва-эканамічныя адносіны - гэта работа ў партах, трубаправод, сфера ІТ і па іншых напрамках, - адзначыў у размове з журналістамі Васіль Марковіч. - Адносіны з Латвіяй развіваюцца ў пазітыўным ключы. Прэзідэнт гэта адзначыў і сказаў, трэба ўзяць максімальна (у плане рэалізацыі магчымасцей па развіцці супрацоўніцтва. - Заўвага БЕЛТА), што неабходна нашай краіне, а таксама даць суседзям, што мы можам даць, каб была вуліца з двухбаковым рухам".

Гаворачы аб падрыхтоўцы візіту ў Латвію Прэзідэнта Беларусі, дыпламат сказаў, што стаіць задача зрабіць такі візіць сур'ёзным і напоўненым.

Што датычыцца адносін з Фінляндыяй, новы пасол Аляксей Самасуеў канстатаваў, што ў Беларусі з гэтай краінай ёсць добрая аснова для далейшага ўзаемадзеяння. Таму работа пасольства будзе накіравана на раскрыццё патэнцыялу па ўсіх напрамках, у першую чаргу ў эканоміцы. "Пастаўлены дакладныя задачы - вылучыць прыярытэтныя напрамкі, якія ў далейшым можна было б развіваць і да іх паступова прыцягваць новыя сферы супрацоўніцтва", - сказаў ён.

Пасол, у прыватнасці, адзначыў цікавасць беларускага боку да супрацоўніцтва ў сферы дрэваапрацоўкі. Цікавы таксама вопыт Фінляндыі ў галіне экалогіі, прыродаахоўнай дзейнасці. "Гэта сапраўды вопыт, які мы можам пераймаць і паспяхова выкарыстоўваць у Беларусі", - упэўнены ён.

Аналагічна будзе выбудоўвацца работа ў супрацоўніцтве з Даніяй. У эканамічным узаемадзеянні да гэтай краіны, як і да Фінляндыі, ёсць цікавасць у плане патэнцыяльных магчымасцей па прыцягненні інвестыцый.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.