12 лютага, Мінск /Кар. БЕЛТА/. Наступныя гады для беларуска-польскіх адносін будуць вызначальнымі на вялікую перспектыву. Аб гэтым сёння заявіў Прэзідэнт Беларусі Аляксандр Лукашэнка, назначаючы новага пасла ў Польшчы, перадае карэспандэнт БЕЛТА.
Звяртаючыся да Уладзіміра Чушава, назначанага Надзвычайным і Паўнамоцным Паслом Беларусі ў Польшчы, кіраўнік дзяржавы адзначыў, што дыпламату павінна быць вядома спецыфіка двухбаковых адносін. "Не скажу, што яны без праблем. Іх хапае. Але ўсе яны абсалютна вырашальныя. І для гэтага трэба зрабіць усё, таму што наступныя гады для беларуска-польскіх адносін будуць вызначальнымі на вялікую перспектыву", - падкрэсліў Аляксандр Лукашэнка.
Пры гэтым кіраўнік дзяржавы арыентаваў новага пасла на тое, каб ён даводзіў нацыянальныя інтарэсы да польскага боку. "Гэта не чужы нам народ", - нагадаў Аляксандр Лукашэнка. Ён адзначыў, што паміж беларусамі і палякамі ёсць узаемаразуменне. "Ніякіх пагроз ад нас яны няхай не чакаюць. Але гэта не значыць, што калі яны будуць бразгаць зброяй, то мы будзем спакойна на гэта глядзець. Таксама ўлічваючы нашу сумесную беларуска-расійскую групоўку на гэтым напрамку", - сказаў Прэзідэнт.-0-
