Сцяг Серада, 21 лютага 2024
Усе навіны
Усе навіны
Прэзідэнт
27 лютага 2023, 15:17

"Мы павінны бачыць нават самую малую агрэсіўнасць супраць Беларусі". Лукашэнка правёў нараду з сілавікамі

27 лютага, Мінск /Кар. БЕЛТА/. Прэзідэнт Беларусі Аляксандр Лукашэнка патрабуе ад кіраўніцтва сілавога блока забяспечыць самую жорсткую дысцыпліну ў воінскіх падраздзяленнях і высокі ўзровень кантролю на беларускай граніцы, перадае карэспандэнт БЕЛТА.

Кіраўнік дзяржавы 27 лютага правёў нараду па пытаннях фінансавання закупак прадукцыі ваеннага прызначэння. Далей у Прэзідэнта адбылася нарада з сілавым блокам у вузкім складзе. Напярэдадні трохдзённага дзяржаўнага візіту ў Кітай Аляксандр Лукашэнка запрасіў да сябе кіраўнікоў ваенных і сілавых ведамстваў абмеркаваць абстаноўку ўнутры краіны і за яе межамі.

"У святле падзей унутранага характару, і перш за ўсё знешняга, хацеў бы пачуць з вашых вуснаў характарыстыку ўнутрыпалітычнага і ваеннага складніка вакол нашай Беларусі. Яшчэ раз хачу падкрэсліць і арыентаваць вас, і запатрабаваць ад вас самай жорсткай дысцыпліны ў воінскіх падраздзяленнях МУС і КДБ. Самай жорсткай дысцыпліны! Кожны павінен займацца сваёй справай", - падкрэсліў Аляксандр Лукашэнка.

"У нас немалая колькасць людзей у пагонах. Усе ўзброеныя. Гэта людзі, мэта якіх - абарона сваёй Айчыны. Гэтым нам трэба карыстацца. Дысцыпліна і выкананне сваіх абавязкаў. Асабліва на граніцы. Я, калі гавару пра граніцу, гэта не значыць, што гэта падраздзяленне Лапо (старшыня Дзяржаўнага пагранічнага камітэта Анатоль Лапо. - Заўвага БЕЛТА) і ўсё. Гэта міліцыя, гэта КДБ, гэта ваенныя - мы ўсе павінны бачыць на рубяжах нашай краіны любую, нават самую малую агрэсіўнасць у адносінах да нашай дзяржавы, каб прыняць адпаведныя меры рэагавання, - запатрабаваў Прэзідэнт. - Яны выкарыстоўваюць любыя выпадкі для таго, каб ускалыхнуць сітуацыю ў Беларусі. І яны будуць гэта рабіць. Я прашу вас і патрабую ад вас выканаць гэтыя ўстаноўкі. Усё астатняе - за мной".-Э-

Падпісвайцеся на нас у
Twitter
Топ-навіны
Свежыя навіны Беларусі