ДЗЯРЖОРГАНЫДЗЯРЖОРГАНЫ
Флаг Субота, 16 кастрычніка 2021
Мінск Ясна +11°C
Усе навіны
Усе навіны
Прэзідэнт
13 верасня 2021, 10:21

"Мы абавязкова будзем абараняць гэту зямлю, як і нашы продкі". Лукашэнка даручыў узнагародзіць удзельнікаў вучэнняў "Захад-2021"

13 верасня, Баранавіцкі раён /Кар. БЕЛТА/. Прэзідэнт Беларусі Аляксандр Лукашэнка даручыў узнагародзіць удзельнікаў сумеснага стратэгічнага вучэння ўзброеных сіл Беларусі і Расіі "Захад-2021". Адпаведны загад кіраўнік дзяржавы агучыў 12 верасня, прымаючы ўдзел у вучэнні на Абуз-Лясноўскім палігоне, перадае карэспандэнт БЕЛТА.

"Я хачу звярнуцца да нашых губернатараў, мясцовых органаў улады. Знайдзіце магчымасць - гэта загад - падзякаваць усім хлопцам, якіх мы прызывалі для вучэнняў. Людзі заслугоўваюць і падзякі, і, самае галоўнае, матэрыяльнага заахвочвання. Ведаю, яны не за грошы ваявалі, але тым не менш гэта трэба зрабіць. Тое ж самае датычыцца і ўдзельнікаў з Казахстана і Расіі, якія прадоўжаць ваяваць на палігонах, на шчасце, пакуль мірных", - сказаў Аляксандр Лукашэнка.

Кіраўнік дзяржавы асабліва адзначыў, удзел у вучэнні ваеннаслужачых тэрытарыяльных войскаў. "Вы сапраўдныя мужчыны. Ні адзін чалавек, якога трэба было прызваць нікуды не збег, з'явіўся своечасова на прызыўны пункт і з гонарам абучаўся на палігонах", - падкрэсліў Прэзідэнт.

Аляксандр Лукашэнка заўважыў, што абстаноўка ў свеце вельмі сур'ёзная, але вайны не будзе толькі тады, калі ваеннаслужачыя будуць удасканальваць сваю падрыхтоўку і паказваць верагоднаму праціўніку свае навыкі. "Нам ні ў якім разе нельга расслабіцца", - заявіў ён.

Даручэнне ўзнагародзіць калег па АДКБ, якія прымалі ўдзел у вучэнні, прагучала таксама ў адрас урада і Міністэрства абароны. "Мы абавязкова будзем абараняць гэту зямлю, як гэта рабілі нашы продкі", - падкрэсліў Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі