ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Ясна +20°C
Усе навіны
Усе навіны
Прэзідэнт
22 чэрвеня 2022, 15:45

Манеты ад Лукашэнкі і яго сям'і перададзены Аляксею Талаю для стварэння памятнага знака "Жывая памяць удзячных пакаленняў"

22 чэрвеня, Мінск /Кар. БЕЛТА/. Манеты ад Прэзідэнта Беларусі Аляксандра Лукашэнкі і яго сям'і перададзены грамадскаму дзеячу, паралімпійцу Аляксею Талаю для стварэння памятнага знака "Жывая памяць удзячных пакаленняў", перадае карэспандэнт БЕЛТА.

Манеты ад імя кіраўніка дзяржавы перадаў намеснік кіраўніка Адміністрацыі Прэзідэнта Ігар Луцкі.

Як паведамлялася БЕЛТА, больш за 130 тыс. манет ужо сабрана ад сем'яў з усёй Беларусі для стварэння памятнага знака "Жывая памяць удзячных пакаленняў".

"У Год гістарычнай памяці народ аб'яднаўся. І мы вырашылі стварыць такі сапраўды народны помнік. Увесь народ сёння аб'ядноўваецца ў імя любові, дабра і справядлівасці, нашых вялікіх дзядоў і прадзедаў, якія адстаялі права на жыццё на планеце Зямля. Разам з нашым Прэзідэнтам мы гатовы рэалізаваць самыя амбіцыйныя планы", - адзначыў Аляксей Талай.

Ён расказаў, што ўжо 22 чэрвеня ў Дзень усенароднай памяці ахвяр Вялікай Айчыннай вайны і генацыду беларускага народа, адліваюцца важныя часткі памятнага знака якраз з выкарыстаннем сабраных манет. Адкрыць помнік плануецца 2 ліпеня ў Парку Перамогі напярэдадні Дня Незалежнасці. Запрошаны і кіраўнік беларускай дзяржавы.

Пачынаючы з лютага 2021 года дабрачынны фонд імя Аляксея Талая рэалізуе праект "Дзеці Беларусі - ветэранам і будучым пакаленням" сумесна з Міністэрствам адукацыі, Міністэрствам культуры, Міністэрствам працы і сацыяльнай абароны і музеем гісторыі Вялікай Айчыннай вайны. Адна з асноўных падзей праекта - стварэнне і ўстаноўка ўсенароднага памятнага знака "Жывая памяць удзячных пакаленняў" у Мінску, Брэсце і Маскве. Галоўная ідэя стварэння і ўстаноўкі помнікаў - аб'яднаць ветэранаў, сучаснікаў і будучыя пакаленні.

Сабраныя манеты трапяць у сплаў гэтага помніка. Гэта манеты ад сем'яў з усёй Беларусі.

Вобраз помніка грунтуецца на дынаміцы застылага часу і ўключае ў сябе два складнікі: акамянелае пісьмо-трохкутнік, якое ўвасабляе даніну мінуламу, і бронзавае дрэва - сімвал жыцця і даўгалецця. Памятны знак размесціцца ў парку Перамогі. Цяпер завяршаецца яго ліццё і мантаж. Памятны знак будзе ўстаноўлены 27 чэрвеня 2022 года.

Манеты будуць расплаўлены і заліты ў ствол дрэва і ў зліткі, якія будуць захоўвацца ў музеі гісторыі Вялікай Айчыннай вайны ў Мінску для вырабу памятнага знака ў Маскве (9 мая 2023 года) і ў Брэсце (28 ліпеня 2023 года).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі