22 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка сёння заслухае даклад аб бюджэтнай палітыцы ў бягучых умовах, паведамляе БЕЛТА.
Як піша Telegram-канал "Пул першага", гэта тэма сёння нумар адзін у графіку Прэзідэнта.
Пытанні фінансаў у кабінеце ў кіраўніка дзяржавы будуць абмяркоўваць кіраўнікі ўрада, Нацбанка, Адміністрацыі Прэзідэнта, Камітэта дзяржкантролю.
Галоўным дакладчыкам стане міністр фінансаў Юрый Селіверстаў.-0-