6 кастрычніка, Мінск /Кар. БЕЛТА/. У Беларусі неабходна ўстанавіць дакладныя правілы гульні ў цэнаўтварэнні. Такую прапанову агучыў старшыня Федэрацыі прафсаюзаў Міхаіл Орда на нарадзе Прэзідэнта Беларусі Аляксандра Лукашэнкі з эканамічным блокам урада, перадае карэспандэнт БЕЛТА.
"Цэны на прадукцыю нашых дзяржаўных прамысловых, сельскагаспадарчых прадпрыемстваў абмяжоўваюцца. Ім, каб нешта падняць, трэба прайсці ўзгадненні і атрымаць дазвол. А прыватнікі, якія ім пастаўляюць тыя ж запчасткі, абсталяванне і камплектуючыя або аказваюць нейкую паслугу, дзейнічаюць абсалютна як захочуць і ўстанаўліваюць нейкія свае цэны. Купляюць долары на біржы па 2,5 рубля, а ў цэны закладваюць той жа долар на парадак даражэй. І заўсёды ў іх ёсць апраўданні: нейкія міфічныя рызыкі, лагістыка і гэтак далей", - сказаў Міхаіл Орда.
На яго думку, гэта не што іншае, як скрытая спекуляцыя. "Яны, атрымліваецца, гуляюцца самі па сабе. Сёння размотваюць цэны, ствараючы прычыну рухаць цэны іншым. Гэтым ствараецца штучная прычына для раскручвання інфляцыі", - заявіў кіраўнік федэрацыі. Міхаіл Орда падкрэсліў, што сёння час патрабуе не проста ўзмацняць правілы, а жорстка разбірацца з гэтым пытаннем. "Нашы прапановы: устанавіць дакладныя правілы гульні ў цэнаўтварэнні для ўсіх. Любая цана павінна быць дакладна абгрунтавана. Хто не хоча падпарадкоўвацца агульным правілам - такіх трэба выключаць з рынку. На рынку павінна быць дакладная, зразумелая дысцыпліна абсалютна для ўсіх. Застанецца той, хто добрасумленна паводзіць сябе ў бізнесе. А тыя, хто расцягвае рынак і працуе, па сутнасці, у ценявым бізнесе, проста сыдуць", - упэўнены ён.
"Тое, што ён прапанаваў, вельмі быццам бы нерэальны, нярыначны варыянт. Сёння гэта абсалютна правільная прапанова. Раней баяліся: ах, сыдуць, ах, не прададзім, гэта не зробім і іншае. Таму маё было даручэнне - 30 працэнтаў у краіне павінны быць дзяржаўны гандаль. Андрэйчанка быў гэтаму сведка пастаянна. Мне гаварылі: "Ды як гэта!" "Ельцыноіды" на мяне накатвалі з Расіі: "Ды што гэта такое! Увесь гандаль трэба аддаць, прыватызаваць". І ў нас усе ва ўрадзе рыначнікі сядзелі, якія прыйшлі ў тым ліку з савецкіх часоў: "Ды не трэба звяртаць увагу, прыватызаваць!" Я гавару: "Не спяшайцеся, няхай у нас буйныя магазіны будуць дзяржаўнымі. Мы будзем магчымасць мець параўнаць. І, самае галоўнае, за кошт 30 працэнтаў дзяржгандлю мы зможам умешвацца ў працэсы і рэгуляваць". Мы чаго калоцімся сёння, чаго дрыжым? Правільна ён гаворыць: не выконваеш правіла, якое ўстанавілі, - вон з рынку, - падкрэсліў Аляксандр Лукашэнка. - Я гэта бачыў 25 гадоў таму. Я меў рацыю. Мы каго баімся? У нас пад кантроль можна ўзяць абсалютна любы працэс, калі ёсць жаданне".-0-
