12 сакавіка, Мінск /Кар. БЕЛТА/. Прэзідэнту Беларусі Аляксандру Лукашэнку даложана аб праектах, якія дадуць магчымасць знізіць імпартны складнік у будаўнічай галіне. Аб гэтым расказаў журналістам міністр архітэктуры і будаўніцтва Руслан Пархамовіч па выніках нарады ў кіраўніка дзяржавы, дзе абмяркоўваўся стан і развіццё мінеральна-сыравіннай базы краіны, перадае карэспандэнт БЕЛТА.
"На жаль, цяпер без імпарту мы працаваць не можам. Няхай доля імпарту і невялікая, усяго 15 працэнтаў па сыравінных рэсурсах, але ён усё ж такі прысутнічае. Менавіта таму асноўнай задачай на бліжэйшую перспектыву з'яўляецца вырашэнне пытання імпартазамяшчэння", - заявіў міністр.
Ён адзначыў, што цяпер асноўныя карысныя выкапні, якія выкарыстоўваюцца для вытворчасці будаўнічай прадукцыі, у Беларусі ёсць з лішкам. Размова, напрыклад, пра пясок, будаўнічы камень. Некаторыя радовішчы здольны забяспечыць патрэбнасці больш як на 200 гадоў наперад. "Але сапраўды мы сёння будзем займацца і асаблівую ўвагу ўдзяляць таму, што нам даводзіцца купляць за валюту", - сказаў Руслан Пархамовіч.
На нарадзе ён далажыў пра шэраг плануемых да рэалізацыі інвестыцыйных праектаў. Першы - гэта стварэнне штучнага гіпсавага каменю на аснове адходаў хімічнай вытворчасці. Другі напрамак - вытворчасць кальцыніраванай соды. "У нас ёсць для гэтага ўласныя рэсурсы. Гэта адходы калійнай вытворчасці, наша вапна, экспанзерны газ. Мы больш як на 70 працэнтаў забяспечаны той сыравінай, якая неабходна для вытворчасці гэтай прадукцыі, якая ў першую чаргу выкарыстоўваецца ў шкляной прамысловасці. Кальцыніраваная сода сёння - гэта каля 40 працэнтаў усіх імпартных паставак міністэрства. Для нас вырашэнне гэтага пытання з'яўляецца найбольш актуальным", - расказаў кіраўнік Мінбудархітэктуры.
"На жаль, цяпер без імпарту мы працаваць не можам. Няхай доля імпарту і невялікая, усяго 15 працэнтаў па сыравінных рэсурсах, але ён усё ж такі прысутнічае. Менавіта таму асноўнай задачай на бліжэйшую перспектыву з'яўляецца вырашэнне пытання імпартазамяшчэння", - заявіў міністр.
Ён адзначыў, што цяпер асноўныя карысныя выкапні, якія выкарыстоўваюцца для вытворчасці будаўнічай прадукцыі, у Беларусі ёсць з лішкам. Размова, напрыклад, пра пясок, будаўнічы камень. Некаторыя радовішчы здольны забяспечыць патрэбнасці больш як на 200 гадоў наперад. "Але сапраўды мы сёння будзем займацца і асаблівую ўвагу ўдзяляць таму, што нам даводзіцца купляць за валюту", - сказаў Руслан Пархамовіч.
На нарадзе ён далажыў пра шэраг плануемых да рэалізацыі інвестыцыйных праектаў. Першы - гэта стварэнне штучнага гіпсавага каменю на аснове адходаў хімічнай вытворчасці. Другі напрамак - вытворчасць кальцыніраванай соды. "У нас ёсць для гэтага ўласныя рэсурсы. Гэта адходы калійнай вытворчасці, наша вапна, экспанзерны газ. Мы больш як на 70 працэнтаў забяспечаны той сыравінай, якая неабходна для вытворчасці гэтай прадукцыі, якая ў першую чаргу выкарыстоўваецца ў шкляной прамысловасці. Кальцыніраваная сода сёння - гэта каля 40 працэнтаў усіх імпартных паставак міністэрства. Для нас вырашэнне гэтага пытання з'яўляецца найбольш актуальным", - расказаў кіраўнік Мінбудархітэктуры.
