ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Пераменная воблачнасць +16°C
Усе навіны
Усе навіны
Прэзідэнт
09 красавіка 2020, 11:19

Лукашэнка звяртае ўвагу на пажаранебяспечную абстаноўку ў Беларусі

Аляксандр Лукашэнка і Уладзімір Вашчанка
Аляксандр Лукашэнка і Уладзімір Вашчанка

9 красавіка, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка звяртае ўвагу на пажаранебяспечную абстаноўку ў Беларусі з-за сухога надвор'я. Адпаведныя пытанні абмяркоўваліся сёння на сустрэчы кіраўніка дзяржавы з міністрам па надзвычайных сітуацыях Уладзімірам Вашчанкам, перадае карэспандэнт БЕЛТА.

"Як я ўжо гаварыў, мы такія людзі, што часам упромся ў нейкую адну праблему і забываем, што ёсць і іншыя праблемы", - адзначыў Аляксандр Лукашэнка.

Кіраўнік дзяржавы ў гэтым плане адзначыў, што ўвага многіх сканцэнтравана выключна на вірусных захворваннях, тэме каранавіруса. "Нават не параўноўваючы, што было ў мінулым годзе, што ў гэтым. А ў гэтым страшным годзе сітуацыя лепшая, чым у мінулым годзе, тое ж самае і па пнеўманіях. Але ўсе мы сканцэнтраваліся на гэтай праблеме, - адзначыў Прэзідэнт. - Я пастаянна падкрэсліваю, што для нас найважнейшы элемент - гэта эканоміка. Усё гэта пройдзе (яно ўжо праходзіць, вы бачыце па Еўропе, што адбываецца). А эканоміка будзе заўсёды. Таму што гэта жыццё людзей".

Кіраўнік дзяржавы канстатаваў, што цяпер на тэрыторыі Беларусі вельмі сухое надвор'е. "Ноччу невялікі мароз, раніцай сонца і вецер высушваюць глебу вельмі моцна. Зразумела, 40 працэнтаў (тэрыторыі краіны. - Заўвага БЕЛТА) у Беларусі лясоў. Потым, мы ж заўсёды пачынаем паліць траву па вясне. Ужо ўсе, і біёлагі, і іншыя гавораць, што гэта шкодна для саставу глебы, тых, хто ў ёй жыве. Але тым не менш паляць. Пажары - наша рэчаіснасць. Няхай не ў такіх аб'ёмах, як у суседзяў, няхай не так страшна, але ўсё ж такі яны ёсць. І гэта не два-тры пажары, а ўжо дзясяткі. Гэта грошы, затраты", - сказаў ён.

Аляксандр Лукашэнка ў сувязі з гэтым пацікавіўся, як ідуць справы ў плане пажаранебяспекі ў краіне: "Мне сёння далажылі: у нас сярэдняя гарымасць да Прыпяці. А ў раёне Прыпяці і ніжэй, да Украіны - там ужо моцная гарымасць. Там суш больш моцная. Што ў гэтым выпадку адбываецца, як спраўляемся?"

Прэзідэнт таксама пацікавіўся статыстыкай гібелі людзей на пажарах. "На жаль, мы яшчэ назіраем гэта. І ў разы больш (гіне людзей на пажарах. - Заўвага БЕЛТА), чым ад каранавіруса. За першы квартал я прыводзіў гэтыя даныя", - адзначыў Аляксандр Лукашэнка.

"Зразумела, мы не адмаўляем, што з хваробамі трэба змагацца, і з вірусамі таксама. Надзвычайнага становішча няма. Таму міністэрства мы не прыцягваем. Тым не менш хацелася б ваш пункт гледжання, як вы гэта бачыце? І, можа, у гэтай сітуацыі вы сваё месца якое-небудзь маглі б знайсці? Або нам у гэтай сітуацыі няма сэнсу пакуль падключаць МНС?" - спытаў кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі