ДЗЯРЖОРГАНЫДЗЯРЖОРГАНЫ
Флаг Нядзеля, 19 верасня 2021
Мінск Пераменная воблачнасць +6°C
Усе навіны
Усе навіны
Прэзідэнт
14 верасня 2021, 13:33

Лукашэнка звярнуўся да творчых работнікаў: "Людзі на вас глядзяць з захапленнем, цаніце гэта"

14 верасня, Мінск /Кар. БЕЛТА/. Прадстаўнікі творчых прафесій павінны цаніць тую ўвагу, якую яны атрымліваюць ад публікі. Аб гэтым Прэзідэнт Беларусі Аляксандр Лукашэнка заявіў у час урачыстай цырымоніі ўручэння дзяржаўных узнагарод заслужаным дзеячам у Палацы Незалежнасці, перадае карэспандэнт БЕЛТА.

"Калі Гасподзь вам дараваў талент, не растрачвайце яго ўпустую. Дарыце яго людзям", - звярнуўся да прадстаўнікоў творчых прафесій кіраўнік дзяржавы. Ён падкрэсліў, што для артыстаў важна не столькі якасць выканання, колькі тое, што ён укладвае душу ў сваю творчасць, падтрымлівае духоўную сувязь са сваім народам. "Артысты - гэта не толькі голас. Гэта яшчэ і душа. Ёсць многія, хто мае галасы, але ў іх няма душы, - заўважыў Аляксандр Лукашэнка. - Вы жывіцеся тым, што ёсць у народзе, ад зямлі. Калі гэтага няма, калі творчы чалавек, спартсмен некуды збег - ніколі ён не будзе ні артыстам, ні спартсменам. Можна толькі шкадаваць".

"Вам многае дадзена. Людзі плачуць, калі вы спяваеце, выконваеце ролю, проста гаворыце. Людзі могуць стаць на калені, схіліцца перад вамі. Яны з захапленнем глядзяць на многіх з вас. І вы гэта павінны цаніць", - упэўнены беларускі лідар.

У гэтым сэнсе можна правесці аналогіі паміж служэннем народу творчых людзей і дзяржаўных дзеячаў, лічыць Аляксандр Лукашэнка. "Мы залежныя цалкам ад гэтых людзей, і мы павінны адчуваць адказнасць перад гэтымі людзьмі, калі мы сапраўдныя. Калі прэзідэнты, чыноўнікі не прыйшлі, каб кішэнь напакаваць і кудысьці з'ехаць, яны будуць рабіць гэтак жа. Калі артысты сапраўдныя, яны застануцца сапраўднымі, будуць помніць, што гэта зямля - гэта народ, без гэтага - ні іх, ні нас няма, калі мы сапраўдныя", - заявіў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі