17 чэрвеня, Мінск /Кар. БЕЛТА/. Выязны семінар-нарада з удзелам Прэзідэнта Беларусі Аляксандра Лукашэнкі адбыўся 17 чэрвеня ў Мінскім раёне, паведамляе БЕЛТА.
Мерапрыемства праходзіла на базе аднаго з малочнатаварных комплексаў філіяла "Астрашыцкі Гарадок" ААТ "Агракамбінат "Дзяржынскі".
Кіраўніку дзяржавы і ўдзельнікам семінара далажылі аб вытворчай дзейнасці ААТ "Агракамбінат "Дзяржынскі" і перадавым вопыте будаўніцтва малочнатаварных комплексаў на прыкладзе МТК "Селішча-2". Размова ішла аб комплексным падыходзе да павышэння захаванасці буйной рагатай жывёлы і забеспячэння росту яе прадукцыйнасці.
Удзельнікі мерапрыемства азнаёміліся з умовамі ўтрымання малочнай жывёлы на МТК, тэхналогіяй кармлення і даення буйной рагатай жывёлы, сучаснымі спосабамі ўнясення вадкіх арганічных угнаенняў.
У ліку ўдзельнікаў семінара-нарады - старшыні аблвыканкамаў і іх першыя намеснікі, упаўнаважаныя прадстаўнікі кіраўніка дзяржавы ў рэгіёнах, памочнікі Прэзідэнта - інспектары па абласцях.
Мерапрыемства ў такім фармаце выязнога семінара па тэматыцы сельскай гаспадаркі з удзелам кіраўніка дзяржавы праходзіла таксама ў лютым бягучага года. Яно было арганізавана ў Смалявіцкім раёне Мінскай вобласці на базе сельгаспрадпрыемства "Шыпяны-АСК". Тады абмяркоўваліся розныя практычныя аспекты кармлення і ўтрымання буйной рагатай жывёлы ў зімова-стойлавы перыяд, падрыхтоўка асноўных відаў сельскагаспадарчай тэхнікі да веснавых палявых работ, новыя сарты сельскагаспадарчых культур і рэгламенты іх вырошчвання.-0-
Падпісвайцеся на нас у
