26 красавіка, Мінск /Кар. БЕЛТА/. Савет па развіцці прадпрымальніцтва змяняе свой статус з кансультатыўнага органа пры Прэзідэнце Беларусі на кансультатыўны орган пры Савеце Міністраў. Адпаведны ўказ нумар 163 кіраўнік дзяржавы Аляксандр Лукашэнка падпісаў 26 красавіка, паведамілі БЕЛТА ў прэс-службе беларускага лідара.
Цяпер зацвярджаць склад Савета па развіцці прадпрымальніцтва будзе, адпаведна, прэм'ер-міністр Беларусі. Старшынёй савета будзе па пасадзе намеснік прэм'ер-міністра, які курыруе пытанні эканомікі.
Указ дасць магчымасць павысіць аператыўнасць прыняцця саветам рашэнняў і аптымізаваць парадак абнаўлення яго персанальнага складу.-0-