Сцяг Пятніца, 29 сакавіка 2024
Усе навіны
Усе навіны
Прэзідэнт
16 лютага 2023, 13:54

Лукашэнка: Зяленскі знішчае Украіну

16 лютага, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю замежным і беларускім журналістам заявіў, што цяперашні прэзідэнт Украіны Уладзімір Зяленскі сваімі дзеяннямі, накіраванымі на эскалацыю і прадаўжэнне канфлікту, знішчае краіну, перадае карэспандэнт БЕЛТА.

"Валодзя Зяленскі знішчае Украіну", - сказаў кіраўнік дзяржавы.

Аляксандр Лукашэнка растлумачыў гэту думку тым, што Украіну пасля завяршэння канфлікту ніхто аднаўляць не будзе. "Разумееце, заўтра з'явіцца новае вострае пытанне (у свеце. - Заўвага БЕЛТА). І туды будзе ўсё павернута. Забудуць пра Украіну. Гэта трэба будзе сто гадоў (каб аднавіць краіну. - Заўвага БЕЛТА). Ніхто не дапаможа", - упэўнены беларускі лідар.

А калі хтосьці і дапаможа, ЗША гэта або Еўрасаюз, то тады кіраваць краінай па частках будуць іншыя - эканамічнымі метадамі. "Калі гэта патрэбна Украіне, Зяленскаму - няхай ваююць. Але гэта дакладна не патрэбна звычайным людзям", - падкрэсліў кіраўнік дзяржавы.

Больш таго, гэта не патрэбна і ваенным ва Украіне. "Таму я і гавару, што там трэба размаўляць з ваеннымі. Паціху, крок за крокам дамовімся як-небудзь", - сказаў Прэзідэнт.

Ён правёў аналогію з Другой сусветнай і Вялікай Айчыннай войнамі, якія прадаўжаліся некалькі гадоў: "Мы думалі, што ўжо ніколі з немцамі вітацца не будзем. А цяпер сябруем. У гісторыі шмат такіх фактаў. Шкада толькі, што многія гэтага не разумеюць".

Аляксандр Лукашэнка бачыць небяспеку ў эскалацыі канфлікту, у ходзе якога пакуль яшчэ прымяняюцца звычайныя ўзбраенні. Але патэнцыяльна можна дайсці і да гіпергукавога, не дай бог - ядзернага. "Вось у чым небяспека. Таму трэба цяпер спыніцца, дурасцю не займацца і не ваяваць", - сказаў кіраўнік дзяржавы.-Э-

Падпісвайцеся на нас у
Twitter
Топ-навіны
Свежыя навіны Беларусі