22 красавіка, Мінск /Кар. БЕЛТА/. Жыллё ў Беларусі трэба будаваць перш за ўсё пад патрэбнасці вытворчасці. Аб гэтым Прэзідэнт Беларусі Аляксандр Лукашэнка заявіў у час рабочай паездкі ў Шклоў, перадае карэспандэнт БЕЛТА.
Ён адзначыў, што акцэнт пры гэтым будзе зроблены на арэндным жыллі, каб забяспечыць ім работнікаў прадпрыемстваў. Гэта ў тым ліку будзе садзейнічаць развіццю рэгіёнаў, каб не сцягваць усё насельніцтва ў Мінск і іншыя буйныя гарады.
"Жыллё тут (у Шклове. - Заўвага БЕЛТА) неабходна таму, што трэба будзе прыцягваць людзей. Трэба, каб танней было, будаўнічы комплекс свой прыводзіць у парадак. Арэнднае жыллё патрэбна для людзей. І калі развіццё рэгіёнаў, яно павінна такім чынам развівацца. Не ў Мінску будаваць дамы гэтыя... Там нейкую колькасць у адпаведнасці з абавязацельствамі будзем будаваць. Там жа і ваенныя, і шматдзетныя, іншыя, - сказаў Аляксандр Лукашэнка. - Жыллё будзем будаваць перш за ўсё пад патрэбнасці вытворчасці. Пад тое, што дае грошы".
Але і ў Мінску Аляксандр Лукашэнка не выключае будаўніцтва арэнднага жылля пад патрэбнасці прадпрыемстваў.-0-
Падпісвайцеся на нас у
