ДЗЯРЖОРГАНЫДЗЯРЖОРГАНЫ
Флаг Субота, 22 студзеня 2022
Мінск Суцэльная воблачнасць -6°C
Усе навіны
Усе навіны
Прэзідэнт
22 лістапада 2021, 09:03

Лукашэнка - журналісту Бі-бі-сі: не факт, што яны не застрэлілі б якога-небудзь Мэцью або цябе

22 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка адхіляе фэйкавыя абвінавачанні ў адрас беларускага боку, што ён нібыта забяспечваў бежанцаў спецсродкамі для выкарыстання супраць польскіх ваеннаслужачых на граніцы ў раёне пункта пропуску "Брузгі". Аб гэтым ён заявіў 19 лістапада ў інтэрв'ю брытанскай медыякампаніі Бі-бі-сі, перадае карэспандэнт БЕЛТА.

"Чаму на нашу тэрыторыю стралялі? Ты ведаешь, што нельга нават зброю паварочваць у бок сумежнай тэрыторыі? Чаму пра гэта не напісаў? Чаму вы лілі ваду з вадамётаў на 100 метраў з ядахімікатамі на нашу тэрыторыю (размова аб прымяненні спецсродкаў польскімі ваеннаслужачымі ў адносінах да бежанцаў, у тым ліку цяжарных жанчын і дзяцей. - Заўвага БЕЛТА)?! Гэта парушэнне дзяржаўнай граніцы. Я вам гавару як пагранічнік. Я на той граніцы служыў. Я ведаю там кожны метр. Вы парушылі дзяржаўную граніцу як мінімум. Вы кідалі святлошумавыя гранаты на нашу тэрыторыю, - заявіў Прэзідэнт. - І яшчэ нас абвінавацілі, што мы забяспечылі бежанцаў і яны кідалі гранату. Там салдат узяў гранату святлошумавую (у Польшчы) і, не ўмеючы абыходзіцца, у яго ў нагах узарвалася. А вы абвінавацілі беларусаў".

Аляксандр Лукашэнка заявіў, што Беларусь у сваю чаргу прымала меры, каб не дапусціць пранікнення зброі і боепрыпасаў у лагер бежанцаў на граніцы: "Ды калі б я не кантраляваў гэты лагер, там бы ўжо даўно зброя была, якую цераз Украіну пруць сюды з Данбаса. Калі ты гэтага не ведаешь, дык паслухай".

Кіраўнік дзяржавы таксама не выключыў, што ў выпадку правакацый магла ўзнікнуць пагроза для жыцця ў тым ліку замежных журналістаў. Як вядома, усе жадаючыя прадстаўнікі СМІ дапушчаны з беларускага боку на граніцу для асвятлення падзей з бежанцамі, у той час як Польшча ўвяла інфармацыйную блакаду. "І не факт, што яны не застрэлілі б якога-небудзь там Мэцью або цябе (журналісты CNN і Бі-бі-сі Мэцью Чанс і Стывен Розенберг. - Заўвага БЕЛТА). Для чаго? Для таго, каб потым Лукашэнку абвінавацілі, што гэта ён вінаваты", - дадаў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі