28 верасня, Душанбэ /Уладзімір Мацвееў - БЕЛТА/. Прэзідэнт Беларусі Аляксандр Лукашэнка ў час пасяджэння Савета кіраўнікоў дзяржаў СНД у Душанбэ запрасіў замежных лідараў наведаць II Еўрапейскія гульні, якія пройдуць у Мінску з 21 па 30 чэрвеня 2019 года, перадае карэспандэнт БЕЛТА.
Кіраўнік дзяржавы падкрэсліў, што правядзенне такога грандыёзнага спартыўнага мерапрыемства - гэта вялікі гонар для Беларусі. "Вы ведаеце, што ў нашай краіне актыўна падтрымліваецца і прапагандуецца развіццё спорту. Мы перакананы, што ён з'яўляецца інструментам умацавання даверу і ўзаемаразумення паміж народамі", - адзначыў Прэзідэнт.
Аляксандр Лукашэнка запрасіў удзельнікаў саміту прыняць удзел ва ўрачыстых цырымоніях адкрыцця і закрыцця гульняў і выказаў надзею, што ім удасца наведаць і самі спаборніцтвы.-0-
