2 жніўня, Мядзельскі раён /Аліна Грышкевіч - БЕЛТА/. Прэзідэнт Беларусі Аляксандр Лукашэнка запатрабаваў максімальную ўвагу ўдзяліць вырошчванню лёну. Аб гэтым кіраўнік дзяржавы заявіў, наведваючы Мядзельскі раён, паведамляе БЕЛТА.
"Да тэмы вырошчвання лёну мы яшчэ вернемся і трэба максімальна ў гэтым напрамку працаваць", - адзначыў кіраўнік дзяржавы.
Прэзідэнт згадаў аб праведзенай напярэдадні сустрэчы з паслом Беларусі ў Кітаі, які расказаў аб тым, што кітайцы гатовы ў нас купляць у вялікай колькасці льняную паклю. Таму ільняному напрамку трэба ўдзяліць пільную ўвагу, упэўнены Аляксандр Лукашэнка.
"Восенню паглядзім ураджай на Аршанскім ільнокамбінаце", - адзначыў кіраўнік дзяржавы.-0-
