28 мая, Магілёў /Кар. БЕЛТА/. У Беларусі трэба ўзмацняць прапаганду і контрпрапаганду, ідэалагічную работу. Аб гэтым Прэзідэнт Беларусі Аляксандр Лукашэнка заявіў у Магілёве на Форуме медыйнай супольнасці Беларусі, перадае карэспандэнт БЕЛТА.
"Трэба ўзмацняць прапаганду і контрпрапаганду, ідэалагічную работу. Хачу, каб маладыя журналісты гэта засвоілі, - сказаў кіраўнік дзяржавы. - Не трэба саромецца гэтых слоў і паняццяў. Ці на Захадзе іх няма? Ёсць. Проста назвалі іншым словам - піяр, інакш кажучы, работа з грамадскай думкай. Сутнасць адна. Вось няхай і працуюць з грамадскай думкай на сваёй тэрыторыі".
"Нас не трэба карміць рознай балбатнёй аб нібыта незалежных СМІ, дэмакратычных каштоўнасцях. Мы ж бачым, як яны кідаюць у турмы сваіх журналістаў, закрываючы медыя і праследуючы кожнага, хто асмеліўся не пагадзіцца з палітыкай і дзеяннямі ўлад", - заўважыў Аляксандр Лукашэнка. Прыкладаў такіх дзеянняў мноства ў розных краінах свету - ад ЗША і Еўрасаюза да Малдовы, Прыбалтыкі, Украіны і Грузіі.
Некаторыя, магчыма, паспрабуюць правесці нейкія паралелі з сітуацыяй у Беларусі ў 2020 годзе, аднак гэта, паводле слоў Прэзідэнта, абсалютна некарэктнае параўнанне. У Беларусі прэтэнзіі да асобных журналістаў былі не з-за іх меркавання або пазіцыі, а таму, што яны зрабілі як здраднікі - пачалі ламаць і крышыць краіну. "Вось мы змагаліся супраць гэтага. У тым ліку і спаганялі з журналістаў - за парушэнне законаў", - падкрэсліў кіраўнік дзяржавы.
Прэзідэнт таксама зрабіў акцэнт на тым, што важна захаванне балансу ваяўнічых і стваральных матэрыялаў у СМІ, якія павінны быць аднолькава яркімі.
"Вядома, з пункту гледжання прафесійнай рэалізацыі на інфармацыйным фронце больш цікава "ваяваць". Сюжэты атрымліваюцца больш прыцягальнымі, - сказаў кіраўнік дзяржавы. - Але трэба і мірны парадак дня рабіць яркім, запамінальным".
Цяпер, як адзначыў Прэзідэнт, ёсць асаблівае запатрабаванне ад людзей менавіта на мірны, стваральны парадак дня. "Калі вы прафесіянальна паказваеце звычайнага, простага камбайнера з бруднымі рукамі, які сышоў з гэтага карабля (я маю на ўвазе збожжаўборачны камбайн нашай вытворчасці), і ён пачынае з вамі размаўляць, складна або няскладна, - гэта прыемна глядзець. Вы знайшлі чалавека, які кожны дзень здзяйсняе подзвігі і нас корміць. Рабіце гэтыя рэпартажы часцей, - арыентаваў Аляксандр Лукашэнка. - Паказваеце вайнушку - паказвайце і мірную працу. Таму што ваяваць мы не хочам, і вельмі спадзяюся, што не будзем".-0-
"Трэба ўзмацняць прапаганду і контрпрапаганду, ідэалагічную работу. Хачу, каб маладыя журналісты гэта засвоілі, - сказаў кіраўнік дзяржавы. - Не трэба саромецца гэтых слоў і паняццяў. Ці на Захадзе іх няма? Ёсць. Проста назвалі іншым словам - піяр, інакш кажучы, работа з грамадскай думкай. Сутнасць адна. Вось няхай і працуюць з грамадскай думкай на сваёй тэрыторыі".
"Нас не трэба карміць рознай балбатнёй аб нібыта незалежных СМІ, дэмакратычных каштоўнасцях. Мы ж бачым, як яны кідаюць у турмы сваіх журналістаў, закрываючы медыя і праследуючы кожнага, хто асмеліўся не пагадзіцца з палітыкай і дзеяннямі ўлад", - заўважыў Аляксандр Лукашэнка. Прыкладаў такіх дзеянняў мноства ў розных краінах свету - ад ЗША і Еўрасаюза да Малдовы, Прыбалтыкі, Украіны і Грузіі.
Некаторыя, магчыма, паспрабуюць правесці нейкія паралелі з сітуацыяй у Беларусі ў 2020 годзе, аднак гэта, паводле слоў Прэзідэнта, абсалютна некарэктнае параўнанне. У Беларусі прэтэнзіі да асобных журналістаў былі не з-за іх меркавання або пазіцыі, а таму, што яны зрабілі як здраднікі - пачалі ламаць і крышыць краіну. "Вось мы змагаліся супраць гэтага. У тым ліку і спаганялі з журналістаў - за парушэнне законаў", - падкрэсліў кіраўнік дзяржавы.
Прэзідэнт таксама зрабіў акцэнт на тым, што важна захаванне балансу ваяўнічых і стваральных матэрыялаў у СМІ, якія павінны быць аднолькава яркімі.
"Вядома, з пункту гледжання прафесійнай рэалізацыі на інфармацыйным фронце больш цікава "ваяваць". Сюжэты атрымліваюцца больш прыцягальнымі, - сказаў кіраўнік дзяржавы. - Але трэба і мірны парадак дня рабіць яркім, запамінальным".
Цяпер, як адзначыў Прэзідэнт, ёсць асаблівае запатрабаванне ад людзей менавіта на мірны, стваральны парадак дня. "Калі вы прафесіянальна паказваеце звычайнага, простага камбайнера з бруднымі рукамі, які сышоў з гэтага карабля (я маю на ўвазе збожжаўборачны камбайн нашай вытворчасці), і ён пачынае з вамі размаўляць, складна або няскладна, - гэта прыемна глядзець. Вы знайшлі чалавека, які кожны дзень здзяйсняе подзвігі і нас корміць. Рабіце гэтыя рэпартажы часцей, - арыентаваў Аляксандр Лукашэнка. - Паказваеце вайнушку - паказвайце і мірную працу. Таму што ваяваць мы не хочам, і вельмі спадзяюся, што не будзем".-0-
