14 снежня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка лічыць спрэчкі, што ўзнікаюць на высокім узроўні па пытаннях беларуска-расійскага супрацоўніцтва, рабочымі момантамі. Аб гэтым ён заявіў сёння на сустрэчы з прадстаўнікамі расійскай медыйнай супольнасці, перадае карэспандэнт БЕЛТА.
"Што датычыцца гарачых падстаў, то якія б іскры ні ляцелі ў спрэчках на самым высокім узроўні, нават не спрабуйце раздуваць з іх полымя. Гэта рабочыя моманты. У адносінах паміж нашымі краінамі яшчэ не было сітуацый, у якіх мы не знайшлі б кампрамісу", - сказаў кіраўнік дзяржавы.
Прэзідэнт падкрэсліў, што Расія застаецца стратэгічным партнёрам і саюзнікам Беларусі. "Там жывуць проста нашы браты. Хто б яны ні былі: рускія, чачэнцы, інгушы, яўрэі... Гэта нашы браты, таму што ўчора мы жылі ў адной дзяржаве", - дадаў ён.-0-
