Уладзімір Пуцін. Фота з архіва
14 сакавіка, Масква /Кар. БЕЛТА/. Галоўнае жаданне Прэзідэнта Расіі Уладзіміра Пуціна - спыніць вайну ва Украіне, але ёсць пытанні да прапанаванага ЗША рэжыму 30-дзённага перамір'я. Аб гэтым Прэзідэнт Беларусі Аляксандр Лукашэнка заявіў у інтэрв'ю тэлевядучай Вользе Скабеевай для тэлеканала "Расія-1", перадае карэспандэнт БЕЛТА.
Кіраўніка дзяржавы спыталі, як ён зразумеў заявы Уладзіміра Пуціна, ці згодна Расія на 30-дзённае перамір'е або не. "Ён учора выслухаў амерыканца (размова пра спецпасланніка Прэзідэнта ЗША Дональда Трампа Стывена Уіткафа, які прыбыў у Маскву. - Заўвага БЕЛТА). Згадзіўся ці не, ён мне цяпер раскажа. Я з ім буду сустракацца. З задавальненнем мы павячэраем і, як звычайна, да ночы пагаворым. І ў тым ліку гэта пытанне. Ну, я, увогуле, ведаю яго пазіцыю. І ўчора ён маладзец, ён нават больш сказаў (у заявах для СМІ пасля завяршэння беларуска-расійскіх перагавораў у Крамлі. - Заўвага БЕЛТА), чым хацеў. І ў тым ліку пра гэтыя 30 дзён. Пытанне: а што, а як будзе? Ён сам сабе задаваў гэтыя рытарычныя пытанні, - адзначыў Аляксандр Лукашэнка. - Я яго ведаю галоўнае жаданне - трэба гэта ўсё спыніць. За мір, за мір, за мір, за мір!"
Паводле слоў кіраўніка дзяржавы, прапанаванае ЗША 30-дзённае перамір'е - гэта само па сабе не навінка. Але важна, як яно будзе рэалізавана. "У чым мае рацыю Уладзімір Уладзіміравіч: добра - перамір'е, не страляем, не забіваем, а што вы будзеце рабіць ва Украіне ў гэты час? Так, украінцы паставяць пытанне: а расіяне што будуць рабіць? У Расіі складаней пракантраляваць. ВПК будзе вырабляць танкі, снарады, боепрыпасы. Так, да лініі фронту не пацягнуць іх. Ну на складзе будуць і гэтак далей. Хто забароніць? Ніхто. Пытанне: як гэта пракантраляваць з боку ўкраінцаў і Захаду?" - сказаў Аляксандр Лукашэнка.
Таксама стаіць пытанне аб тым, ці не будуць на працягу гэтага месячнага перамір'я пастаўляцца ўзбраенні ва Украіну. "Перамір'е. А ў гэты час у Жэшуве ў Польшчы назбіралася пэўная колькасць зброі, боепрыпасаў. Амерыканцы знялі цяпер усякія забароны - аб гэтым Трамп аб'явіў. Вы што, будзеце начыняць зброяй і яшчэ наёмнікаў туды перакідваць на працягу 30 дзён, а потым пачнём ваяваць нанова? Яшчэ больш людзей загінуць, невядома, што будзе. Таму шмат пытанняў", - канстатаваў кіраўнік дзяржавы.
Аляксандр Лукашэнка яшчэ раз паўтарыў свой тэзіс аб тым, што амерыканцы на гэты момант не маюць выразна акрэсленага плана па ўкраінскай тэме. "Яны намацваюць нейкія пытанні, мацаюць глебу. Няхай так. Але ў выніку яны хочуць накрэсліць нейкі план дзеянняў - амерыканцы, - заявіў ён. - Няма канкрэтыкі. І вось паездкі высокапастаўленых амерыканскіх прадстаўнікоў і спецпасланніка сведчаць аб тым, што яны намацваюць гэту глебу, узгадняючы некаторыя пытанні з Украінай, з Расіяй і іншае, каб вырысаваць нейкі план дзеянняў. Гэта будзе няпроста".-0-
Кіраўніка дзяржавы спыталі, як ён зразумеў заявы Уладзіміра Пуціна, ці згодна Расія на 30-дзённае перамір'е або не. "Ён учора выслухаў амерыканца (размова пра спецпасланніка Прэзідэнта ЗША Дональда Трампа Стывена Уіткафа, які прыбыў у Маскву. - Заўвага БЕЛТА). Згадзіўся ці не, ён мне цяпер раскажа. Я з ім буду сустракацца. З задавальненнем мы павячэраем і, як звычайна, да ночы пагаворым. І ў тым ліку гэта пытанне. Ну, я, увогуле, ведаю яго пазіцыю. І ўчора ён маладзец, ён нават больш сказаў (у заявах для СМІ пасля завяршэння беларуска-расійскіх перагавораў у Крамлі. - Заўвага БЕЛТА), чым хацеў. І ў тым ліку пра гэтыя 30 дзён. Пытанне: а што, а як будзе? Ён сам сабе задаваў гэтыя рытарычныя пытанні, - адзначыў Аляксандр Лукашэнка. - Я яго ведаю галоўнае жаданне - трэба гэта ўсё спыніць. За мір, за мір, за мір, за мір!"
Паводле слоў кіраўніка дзяржавы, прапанаванае ЗША 30-дзённае перамір'е - гэта само па сабе не навінка. Але важна, як яно будзе рэалізавана. "У чым мае рацыю Уладзімір Уладзіміравіч: добра - перамір'е, не страляем, не забіваем, а што вы будзеце рабіць ва Украіне ў гэты час? Так, украінцы паставяць пытанне: а расіяне што будуць рабіць? У Расіі складаней пракантраляваць. ВПК будзе вырабляць танкі, снарады, боепрыпасы. Так, да лініі фронту не пацягнуць іх. Ну на складзе будуць і гэтак далей. Хто забароніць? Ніхто. Пытанне: як гэта пракантраляваць з боку ўкраінцаў і Захаду?" - сказаў Аляксандр Лукашэнка.
Таксама стаіць пытанне аб тым, ці не будуць на працягу гэтага месячнага перамір'я пастаўляцца ўзбраенні ва Украіну. "Перамір'е. А ў гэты час у Жэшуве ў Польшчы назбіралася пэўная колькасць зброі, боепрыпасаў. Амерыканцы знялі цяпер усякія забароны - аб гэтым Трамп аб'явіў. Вы што, будзеце начыняць зброяй і яшчэ наёмнікаў туды перакідваць на працягу 30 дзён, а потым пачнём ваяваць нанова? Яшчэ больш людзей загінуць, невядома, што будзе. Таму шмат пытанняў", - канстатаваў кіраўнік дзяржавы.
Аляксандр Лукашэнка яшчэ раз паўтарыў свой тэзіс аб тым, што амерыканцы на гэты момант не маюць выразна акрэсленага плана па ўкраінскай тэме. "Яны намацваюць нейкія пытанні, мацаюць глебу. Няхай так. Але ў выніку яны хочуць накрэсліць нейкі план дзеянняў - амерыканцы, - заявіў ён. - Няма канкрэтыкі. І вось паездкі высокапастаўленых амерыканскіх прадстаўнікоў і спецпасланніка сведчаць аб тым, што яны намацваюць гэту глебу, узгадняючы некаторыя пытанні з Украінай, з Расіяй і іншае, каб вырысаваць нейкі план дзеянняў. Гэта будзе няпроста".-0-
Падпісвайцеся на нас у
