Фота з архіва
12 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Кеніі Уільяма Рута з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.
"Сучасная Кенія паступальна развівае сваю эканоміку і нарошчвае ўплыў на міжнароднай арэне, займае актыўную пазіцыю па рэгіянальных і глабальных пытаннях, а таксама з'яўляецца прызнаным сусветным лідарам у сферы аховы навакольнага асяроддзя. Высока цэнім добрыя адносіны, якія склаліся паміж Мінскам і Найробі. Прыемна адзначыць, што апошнім часам двухбаковае ўзаемадзеянне набірае абароты, намечаны асноўныя напрамкі супрацоўніцтва", - гаворыцца ў віншаванні.
Кіраўнік дзяржавы адзначыў, што Беларусь імкнецца да больш цеснага партнёрства з Кеніяй у галінах сельскай гаспадаркі, харчовай бяспекі, прамысловасці, адукацыі, інфармацыйных тэхналогій.
"Перакананы, эфектыўная рэалізацыя планаў і сумесных праектаў будзе садзейнічаць сацыяльна-эканамічнаму развіццю абедзвюх дзяржаў, - падкрэсліў Аляксандр Лукашэнка. - Карыстаюся магчымасцю, каб выказаць гатоўнасць да плённай працы з Вамі ў інтарэсах нашых грамадзян, і пацвярджаю запрашэнне наведаць Мінск з афіцыйным візітам".
Прэзідэнт пажадаў Уільяму Рута моцнага здароўя і поспехаў у стваральнай працы, а дружалюбнаму народу Кеніі - згоды і дабрабыту.-0-
Падпісвайцеся на нас у
