20 сакавіка, Мінск /Кар. БЕЛТА/. Беларусь наколькі гэта магчыма гатова падтрымліваць і дапамагаць Рэспубліцы Сербскай. Аб гэтым Прэзідэнт Беларусі Аляксандр Лукашэнка заявіў на сустрэчы са старшынёй Веча народаў Рэспублікі Сербскай Босніі і Герцагавіны Срэбранкай Голіч, перадае карэспандэнт БЕЛТА.
"Мне прыемна бачыць і сустракаць вас у Беларусі. Я хачу, каб вы ведалі, што вы прыехалі не проста ў краіну, блізкую вашаму народу, але вы прыехалі да сваіх сяброў, да сваіх родных, вы прыехалі ў сваю Беларусь, - сказаў Аляксандр Лукашэнка. - Як я гавару сваім сябрам, закрытых тэм для вас у Беларусі няма, мы можам і гатовы зрабіць для вас усё тое, на што мы здольныя і што вам цікава".
Кіраўнік дзяржавы адзначыў, што добра інфармаваны аб сітуацыі ў Рэспубліцы Сербскай і быў вельмі паглыблены ў падзеі, якія развіваліся ў 1990-х гадах у тым рэгіёне, калі заключаліся Дэйтанскія пагадненні.
"Я бачыў сур'ёзныя недахопы гэтага пагаднення. І я папярэджваў тады свайго калегу і сябра Слабадана Мілошавіча (прэзідэнт Сербіі ў 1989-1997 гадах, а затым прэзідэнт Саюзнай Рэспублікі Югаславія ў 1997-2000 гадах. - Заўвага БЕЛТА) аб тым, што нам трэба быць вельмі асцярожнымі, заключаючы па ўказцы Захаду, амерыканцаў гэты дагавор. Што ён можа прынесці нямала бед народу. Вы ведаеце, што нешта ў гэтым плане і здарылася. Тыя супярэчнасці, якія існуюць у вашай, здавалася б, агульнай дзяржаве, нікуды не дзеліся. Яны заўсёды былі вострымі, і некалі гэта павінна было выліцца наверх", - заявіў Прэзідэнт.
"Але я гэта гавару да таго, і вы павінны гэта ведаць: наколькі гэта магчыма сёння, мы побач з вамі, мы будзем вас падтрымліваць, мы будзем вам дапамагаць. Зноў жа гавару: наколькі гэта магчыма, таму што мы не побач, мы не мяжуем з Босніяй і Герцагавінай, мы не мяжуем з вашым народам, але мы - ад аднаго кораня. Мы гэта памятаем. Таму пастарайцеся на нас разлічваць", - падкрэсліў беларускі лідар.
Аляксандр Лукашэнка ўпэўнены, што і расійскае кіраўніцтва гэтак жа разумее і ацэньвае сітуацыю. "Ведаем і мінулае, і сучаснае, таму мы на вашым баку", - дадаў ён.
Асаблівую блізкасць народаў Беларусі і Рэспублікі Сербскай таксама адлюстроўвае той факт, што ў пратакольнай частцы сустрэчы кіраўнік дзяржавы ў размове практычна не звяртаўся да паслуг перакладчыка, вельмі добра разумеючы большасць з таго, што гаварыла госця на сербскай мове.
"Мне прыемна бачыць і сустракаць вас у Беларусі. Я хачу, каб вы ведалі, што вы прыехалі не проста ў краіну, блізкую вашаму народу, але вы прыехалі да сваіх сяброў, да сваіх родных, вы прыехалі ў сваю Беларусь, - сказаў Аляксандр Лукашэнка. - Як я гавару сваім сябрам, закрытых тэм для вас у Беларусі няма, мы можам і гатовы зрабіць для вас усё тое, на што мы здольныя і што вам цікава".
Кіраўнік дзяржавы адзначыў, што добра інфармаваны аб сітуацыі ў Рэспубліцы Сербскай і быў вельмі паглыблены ў падзеі, якія развіваліся ў 1990-х гадах у тым рэгіёне, калі заключаліся Дэйтанскія пагадненні."Я бачыў сур'ёзныя недахопы гэтага пагаднення. І я папярэджваў тады свайго калегу і сябра Слабадана Мілошавіча (прэзідэнт Сербіі ў 1989-1997 гадах, а затым прэзідэнт Саюзнай Рэспублікі Югаславія ў 1997-2000 гадах. - Заўвага БЕЛТА) аб тым, што нам трэба быць вельмі асцярожнымі, заключаючы па ўказцы Захаду, амерыканцаў гэты дагавор. Што ён можа прынесці нямала бед народу. Вы ведаеце, што нешта ў гэтым плане і здарылася. Тыя супярэчнасці, якія існуюць у вашай, здавалася б, агульнай дзяржаве, нікуды не дзеліся. Яны заўсёды былі вострымі, і некалі гэта павінна было выліцца наверх", - заявіў Прэзідэнт.
"Але я гэта гавару да таго, і вы павінны гэта ведаць: наколькі гэта магчыма сёння, мы побач з вамі, мы будзем вас падтрымліваць, мы будзем вам дапамагаць. Зноў жа гавару: наколькі гэта магчыма, таму што мы не побач, мы не мяжуем з Босніяй і Герцагавінай, мы не мяжуем з вашым народам, але мы - ад аднаго кораня. Мы гэта памятаем. Таму пастарайцеся на нас разлічваць", - падкрэсліў беларускі лідар.Аляксандр Лукашэнка ўпэўнены, што і расійскае кіраўніцтва гэтак жа разумее і ацэньвае сітуацыю. "Ведаем і мінулае, і сучаснае, таму мы на вашым баку", - дадаў ён.
Асаблівую блізкасць народаў Беларусі і Рэспублікі Сербскай таксама адлюстроўвае той факт, што ў пратакольнай частцы сустрэчы кіраўнік дзяржавы ў размове практычна не звяртаўся да паслуг перакладчыка, вельмі добра разумеючы большасць з таго, што гаварыла госця на сербскай мове.
Падрабязнасцямі сустрэчы з беларускім Прэзідэнтам Срэбранка Голіч падзялілася з журналістамі. Паводле яе слоў, парламенцкая дэлегацыя Рэспублікі Сербскай павіншавала Аляксандра Лукашэнку з пераканаўчай перамогай на прэзідэнцкіх выбарах і расказала аб развіцці палітычнай сітуацыі ў сваёй краіне.
"Я люблю Рэспубліку Беларусь і спадзяюся, што вынікам гэтага візіту будзе візіт у адказ з боку парламенцкай дэлегацыі Беларусі калі не ў гэтым, то ў наступным годзе", - сказала старшыня Веча.
У лютым 2024 года Беларусь з рабочым візітам наведаў Прэзідэнт Рэспублікі Сербскай Міларад Додзік. Паводле слоў Срэбранкі Голіч, пасля перагавораў на вышэйшым узроўні ўжо рэалізаваны некаторыя праекты. Адзін з іх - пастаўка беларускіх трактароў. "Гэты праект паспяхова ўжо рэалізаваны", - заявіла яна.
У час цяперашняга візіту ў Мінск парламенцкая дэлегацыя Рэспублікі Сербскай у тым ліку наведала Беларускі дзяржаўны ўніверсітэт, дзе сустрэлася з кіраўніцтвам Міністэрства адукацыі і самой ВНУ. "Мы абмяркоўвалі пытанні ўзаемадзеяння ў галіне адукацыі. Спадзяёмся, што будзе падпісана пагадненне аб супрацоўніцтве паміж нашымі краінамі, якое дасць магчымасць ажыццяўляць студэнцкія абмены", - дадала Срэбранка Голіч.
Рэспубліка Сербская - энтытэт (утварэнне) у складзе дзяржавы Босніі і Герцагавіны, паводле Дэйтанскіх пагадненняў 1995 года займае 49 працэнтаў краіны. Аснову эканомікі Рэспублікі Сербскай складаюць прамысловасць і сельская гаспадарка. Найбольш развіты энергетычны комплекс, лесаперапрацоўчая прамысловасць, металургія, здабыча прыродных рэсурсаў і тэкстыльная вытворчасць. Турыстычны патэнцыял Рэспублікі Сербскай даволі вялікі дзякуючы наяўнасці багатых прыродных рэсурсаў і выдатных мясцін. Развіты горны турызм, спа-турызм, рэлігійны, паходны і экалагічны турызм.-0-
Падпісвайцеся на нас у
