ДЗЯРЖОРГАНЫДЗЯРЖОРГАНЫ
Флаг Аўторак, 17 мая 2022
Мінск Суцэльная воблачнасць +6°C
Усе навіны
Усе навіны
Прэзідэнт
10 снежня 2021, 14:19

Лукашэнка: Захад будзе душыць краіны ЕАЭС, каб настроіць супраць Беларусі

10 снежня, Мінск /Кар. БЕЛТА/. Захад будзе душыць краіны Еўразійскага эканамічнага саюза, каб настроіць супраць Беларусі. Аб гэтым Прэзідэнт Беларусі Аляксандр Лукашэнка заявіў сёння на пасяджэнні Вышэйшага Еўразійскага эканамічнага савета, перадае карэспандэнт БЕЛТА.

Кіраўнік дзяржавы адзначыў, што яго калегам па ЕАЭС добра вядома сітуацыя ў Беларусі і яе ўзаемаадносіны з Захадам. "Гэта ўваходзіць, на жаль, у першае пытанне міжнароднага парадку дня. Нас гэта не радуе, але мы павінны разумець, што Злучаныя Штаты і калектыўны Захад ад сваёй палітыкі не адыдуць, ім патрэбны падставы для націску на нашу братэрскую Расію і на нас у тым ліку", - звярнуў увагу Аляксандр Лукашэнка.

Такой чарговай падставай, паводле яго слоў, стала сітуацыя на беларуска-польскай граніцы і міграцыйны крызіс. "Не мы парадзілі гэту праблему, у тым ліку і не вы, былыя постсавецкія рэспублікі, але гэта выкарыстоўваецца як падстава для націску, перш за ўсё на Беларусь", - падкрэсліў Прэзідэнт.

Ён заўважыў, што краіны ЕАЭС пакуль у рознай ступені зведваюць націск Захаду. Але ён будзе толькі нарастаць, перакананы Аляксандр Лукашэнка. Кіраўнік дзяржавы выказаў удзячнасць расійскаму боку і астатнім краінам ЕАЭС за пасільную падтрымку Беларусі ў існуючай сітуацыі.

"Але яшчэ раз падкрэсліваю: вобразна кажучы, вас будуць душыць, настройваючы супраць Беларусі, каб вы падключыліся да гэтых санкцый супраць нашай краіны. Мая просьба, каб мы былі разам, таму што гэты націск будзе нарастаць. Захад націскам на Беларусь, Расію не абмяжуецца", - папярэдзіў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі