Сцяг Серада, 19 чэрвеня 2024
Усе навіны
Усе навіны
Прэзідэнт
29 мая 2024, 09:15

Лукашэнка: за дзесяць гадоў свайго існавання ЕАЭС пераканаўча даказаў запатрабаванасць і эфектыўнасць

29 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў старшыню Вышэйшага Еўразійскага эканамічнага савета, прэм'ер-міністра Арменіі Нікола Пашыняна, членаў ВЕЭС - прэзідэнтаў Расіі, Казахстана і Кыргызстана Уладзіміра Пуціна, Касым-Жамарта Такаева, Садыра Жапарава - з Днём Еўразійскага эканамічнага саюза. Аб гэтым БЕЛТА паведамілі ў прэс-службе беларускага лідара.

"За дзесяць гадоў свайго існавання ЕАЭС пераканаўча даказаў запатрабаванасць і эфектыўнасць. Сёння Саюз з'яўляецца важным рэгіянальным інтэграцыйным аб'яднаннем, якое забяспечвае цеснае эканамічнае ўзаемадзеянне дзяржаў-удзельніц на аснове раўнапраўя і партнёрства", - адзначыў у віншаваннях кіраўнік беларускай дзяржавы.

Прэзідэнт Беларусі выказаў упэўненасць: "Далейшае пашырэнне дзейнасці арганізацыі, якая зарэкамендавала сябе як унікальная дыялогавая пляцоўка, дасць магчымасць паспяхова вырашаць маштабныя задачы, замацаваныя ў Дагаворы аб Еўразійскім эканамічным саюзе, унясе важкі ўклад у сумеснае процідзеянне знешнім выклікам".

Аляксандр Лукашэнка пажадаў усім здароўя, сіл і энергіі для дасягнення высокіх мэт. "Буду рады прадаўжэнню нашага канструктыўнага супрацоўніцтва", - падкрэсліў Прэзідэнт Беларусі.-0-
Падпісвайцеся на нас у
Twitter
Топ-навіны
Свежыя навіны Беларусі