Іна Чурыкава. Фота з архіва ТАСС
14 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка выказаў спачуванні родным і блізкім народнай артысткі СССР Іны Чурыкавай у сувязі з яе смерцю. Аб гэтым БЕЛТА паведамілі ў прэс-службе кіраўніка дзяржавы.
"Іна Міхайлаўна пражыла яркае і насычанае жыццё. Яе выключны талент і абаянне пакарылі сэрцы мільёнаў паклоннікаў, створаныя на тэатральных падмостках і ў кінематографе бліскучыя вобразы дарылі гледачу моцныя і глыбокія эмоцыі. Светлая памяць аб ёй назаўжды будзе жыць у нашых сэрцах", - гаворыцца ў спачуванні.-0-
