26 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 25 снежня выказаў спачуванні Прэзідэнту Буркіна-Фасо Року Марку Крысціяну Кабарэ ў сувязі са шматлікімі ахвярамі ў выніку тэрарыстычнага нападзення на горад Арбінда ў правінцыі Сум. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы падкрэсліў, што ў Беларусі рашуча асуджаюць бесчалавечныя дзеянні экстрэмістаў.
Аляксандр Лукашэнка таксама перадаў словы падтрымкі родным і блізкім загінулых, пажадаў хуткага выздараўлення ўсім пацярпелым.
Як паведамляе ТАСС са спасылкай на агенцтва Reuters, армія Буркіна-Фасо адбіла атаку тэрарыстаў на поўначы краіны, ліквідаваўшы 80 баевікоў. У ходзе баявых сутыкненняў загінулі 35 мірных жыхароў і сем супрацоўнікаў сілавых ведамстваў. Паводле даных агенцтва, раніцай 25 снежня група тэрарыстаў атакавала ваенных недалёка ад горада Арбінда, у паўночнай правінцыі Сум. Армія і паліцыя адкрылі агонь у адказ, паспяхова адбіўшы нападзенне.-0-
