23 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста выказаў спачуванні народу Паўночнай Македоніі ў сувязі з вялікай колькасцю загінулых і параненых у выніку дарожна-транспартнага здарэння з аўтобусам на балгарскай аўтамагістралі. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы падкрэсліў, што ў Беларусі смуткуюць па бязвінных ахвярах гэтай страшнай трагедыі, сярод якіх 12 дзяцей. "У гэты цяжкі час перадаю шчырыя словы падтрымкі бацькам і блізкім памерлых, а таксама жадаю хуткага выздараўлення параненым", - гаворыцца ў спачуванні.
Як паведамлялася, турыстычны аўтобус з Паўночнай Македоніі трапіў у ДТЗ і загарэўся на аўтамагістралі "Струма" ў Балгарыі, загінулі 45 чалавек, у тым ліку 12 дзяцей. Усяго ў аўтобусе знаходзіліся 52 чалавекі.-0-