Лукашэнка: выбары трэба зрабіць як свята, нам амерыканскае шоу не трэба
 

3 студзеня, Мінск /Кар. БЕЛТА/. Маючыя адбыцца прэзідэнцкія выбары ў Беларусі трэба зрабіць як свята, амерыканскае шоу не трэба. Аб гэтым Прэзідэнт Беларусі Аляксандр Лукашэнка заявіў на сустрэчы са старшынямі аблвыканкамаў і Мінскага гарвыканкама, перадае карэспандэнт БЕЛТА.

"Выбары трэба зрабіць як свята. Нам амерыканскае шоу, дзе страляюць у вуха або ў галаву, не трэба. Нам трэба, каб гэтыя выбары дастойна прайшлі і мы не падстаўляліся лішні раз пад крытыку, - сказаў кіраўнік дзяржавы. - Мы падышлі ўшчыльную да выбараў Прэзідэнта. З 1 студзеня пачалася актыўная фаза - агітацыя. Я ўжо гаварыў сваім давераным асобам: час няпросты. Мы гэтак жа дастойна павінны прайсці гэты час, не парушаючы заканадаўства".

"Я вас запрасіў для таго, каб пагаварыць аб арганізацыі выбараў. Я ведаю, што вы - людзі вопытныя. Губернатары перш за ўсё, Адміністрацыя Прэзідэнта ведаеце, як праводзіць выбары, што рабіць. Але ні ў якім разе нельга парушаць заканадаўства па выбарах. Шчыра кажучы, нам гэта не трэба наогул. Трэба гэты час дастойна прайсці, каб на нас не валілася ўсякая дрэнь з-за мяжы перш за ўсё. Ды і ўнутры, каб людзям не сапсаваць настрой", - падкрэсліў беларускі лідар.

Кіраўнік дзяржавы растлумачыў, што запрасіў кіраўнікоў рэгіёнаў для гэтай размовы менавіта цяпер з прычыны таго, што ў далейшым насычаны графік не будзе даваць магчымасці правесці такую сустрэчу. Акрамя традыцыйных святочных і навагодніх мерапрыемстваў на Каляды або такіх, як уручэнне прэміі "За духоўнае адраджэнне", да выбараў кіраўніка дзяржавы чакае візіт у Кітай. "Трэба традыцыйныя мерапрыемствы правесці і больш часу ў мяне проста не будзе на арганізацыю, кантроль перадвыбарнай гэтай кампаніі. Таму я вас вельмі прашу, каб мы дастойна ўсё арганізавалі", - дадаў Аляксандр Лукашэнка.

Ён адзначыў, што кіраўніцтва рэгіёнаў якраз у ліку галоўных памочнікаў у рабоце ЦВК, штат якой зусім нешматлікі. "Яны адказваюць і арганізоўваюць усё ў адпаведнасці з законам. Але прываднымі пасамі заўсёды была Адміністрацыя Прэзідэнта і губернатары. Таму я папрашу гэтак жа дастойна, як навагоднія святы, арганізаваць гэтыя дні перадвыбарнай агітацыі", - даручыў беларускі лідар.

Аляксандр Лукашэнка асабліва акцэнтаваў увагу, што ўсё гэта трэба зрабіць, не перашкаджаючы рабоце на прадпрыемствах. "Таму што студзень - вельмі важны месяц для эканомікі. Калі мы страцім студзень, мы тады на працягу года нічога не навярстаем. Таму ні ў якім разе не перашкаджаць рабоце. Каб нашы кандыдаты маглі сустрэцца там, дзе яны захочуць, і вы ім акажаце падтрымку", - сказаў Прэзідэнт.-0-