Мабільная версія
ДЗЯРЖОРГАНЫ

Апошнія навіны
Усе навіны

Лукашэнка ўзнагародзіў ордэнамі і медалямі больш за 20 чалавек

Прэзідэнт 06.03.2019 | 17:21

6 сакавіка, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка ўзнагародзіў больш за 20 чалавек ордэнамі і медалямі за ўзорнае выкананне воінскага абавязку, значныя поспехі ў падтрыманні высокай баявой гатоўнасці падраздзяленняў і воінскіх часцей, заслугі ва ўмацаванні абараназдольнасці і падрыхтоўцы ваенных кадраў, ратаванне людзей на вадзе і ў час пажару. Аб гэтым БЕЛТА паведамілі ў прэс-службе беларускага лідара.

Ордэна "За службу Радзіме" ІІІ ступені ўдастоены намеснік камандуючага Ваенна-паветранымі сіламі і войскамі проціпаветранай абароны Узброеных Сіл Андрэй Гурцэвіч, намеснік начальніка галоўнага ўпраўлення - начальнік 1-га ўпраўлення галоўнага аператыўнага ўпраўлення Генеральнага штаба Узброеных Сіл Сяргей Лагадзюк, намеснік міністра абароны па ўзбраенні - начальнік узбраення Узброеных Сіл Сяргей Сіманенка.

Медалём "За выратаванае жыццё" ўзнагароджаны галоўны спецыяліст сектара арганізацыі функцыянавання дзяржаўнай сістэмы папярэджання і ліквідацыі надзвычайных сітуацый і грамадзянскай абароны Рэчыцкага раённага аддзела па надзвычайных сітуацыях установы "Гомельскае абласное ўпраўленне МНС" Уладзімір Клімовіч, начальнік варты пажарнай аварыйна-выратавальнай часці нумар 1 Касцюковіцкага раённага аддзела па надзвычайных сітуацыях установы "Магілёўскае абласное ўпраўленне МНС" Максім Новікаў.

У ліку ўзнагароджаных медалём "За адзнаку ў воінскай службе" - намеснік начальніка 1-га аддзела 4-га ўпраўлення галоўнага аператыўнага ўпраўлення Генеральнага штаба Узброеных Сіл Аляксей Ананенка, камандзір 52-га асобнага спецыялізаванага пошукавага батальёна Узброеных Сіл Аляксандр Трубека, начальнік аддзела Дзяржаўнага пагранічнага камітэта Алег Чабатароў.

Медаля "За адзнаку ў папярэджанні і ліквідацыі надзвычайных сітуацый" удастоены аператыўны дзяжурны дзяжурнай змены цэнтра аператыўнага ўпраўлення Мінскага абласнога ўпраўлення МНС Дзяніс Пракоф'еў.

Акрамя таго, ганаровае званне "Заслужаны спецыяліст Узброеных Сіл Рэспублікі Беларусь" прысвоена начальніку штаба - першаму намесніку камандуючага сіламі спецыяльных аперацый Узброеных Сіл Віктару Гулевічу.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сотавая сувязь у Беларусі Паслугі сотавай рухомай электрасувязі ў Беларусі аказваюць тры аператары: ЗАТ "БеСТ", ТАА "МТС" і УП "Велком".