ДЗЯРЖОРГАНЫДЗЯРЖОРГАНЫ
Флаг Чацвер, 19 мая 2022
Мінск Суцэльная воблачнасць +6°C
Усе навіны
Усе навіны
Прэзідэнт
23 снежня 2021, 17:03

Лукашэнка ўзнагародзіў медалём супрацоўніка МНС, які выратаваў у Гомелі дзяўчыну ад гвалтаўніка

Уладзімір Ярохін. Фота Універсітэта грамадзянскай абароны
Уладзімір Ярохін. Фота Універсітэта грамадзянскай абароны

23 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 23 снежня падпісаў указ аб узнагароджанні работнікаў розных сфер дзейнасці дзяржаўнымі ўзнагародамі. Аб гэтым БЕЛТА паведамілі ў прэс-службе кіраўніка дзяржавы.

Сярод узнагароджаных апынуліся і супрацоўнікі органаў па надзвычайных сітуацыях. Так, медаля "За адзнаку ў ахове грамадскага парадку" ўдастоены вадзіцель пажарнай аварыйна-выратавальнай часці нумар 1 Бабруйскага гаррайаддзела па надзвычайных сітуацыях Уладзімір Ярохін. У кастрычніку ён выратаваў дзяўчыну ад гвалтаўніка-рэцыдывіста.

"У 7.00 пры заступленні ў сутачны нарад Уладзімір Ярохін з боку ўнутранага двара інтэрната, размешчанага па праспекце Кастрычніка, пачуў крыкі аб дапамозе. Пабегшы на крык, ён убачыў дзяўчыну ў слязах і мужчыну. Дзяўчына крычала, адбівалася і клікала на дапамогу. Прапаршчык схапіў невядомага за рукі, паваліў яго на зямлю і абезруховіў. У гэты момант да яго падбеглі яшчэ трое слухачоў філіяла ўніверсітэта (Гомельскі філіял Універсітэта грамадзянскай абароны МНС. - Заўвага БЕЛТА) радавыя ўнутранай службы Арцём Грыбок, Антон Луцэвіч і Андрэй Квач, а таксама два прахожыя. Яны дапамаглі ўтрымаць нападаючага і неадкладна патэлефанавалі ў міліцыю. На месца здарэння прыбылі супрацоўнікі Дэпартамента аховы Савецкага раёна і затрымалі мужчыну", - расказалі раней БЕЛТА ў Міністэрстве па надзвычайных сітуацыях.

Медалём "За выратаванае жыццё" таксама ўзнагароджаны начальнік варты пажарнай аварыйна-выратавальнай часці нумар 2 Наваполацкага гарадскога аддзела па надзвычайных сітуацыях Віцебскага абласнога ўпраўлення МНС Максім Баравіцкі. У чэрвені ён выратаваў пенсіянера на начным пажары ў інтэрнаце, дзе пражываў сам.

"Была глыбокая ноч, я яшчэ не спаў і чытаў навіны ў інтэрнэце, калі пачуў гук спрацаваўшай пажарнай сігналізацыі, - успамінаў Максім Баравіцкі. - Жыву я на 11-м паверсе, спрацаваўшая сігналізацыя мяне асабліва не занепакоіла, я падумаў, магчыма, памылкова спрацавала, але тым не менш вырашыў прайсціся па паверхах, пераканацца, што ўсё ў парадку. На 5-м паверсе ўжо быў дым. Падбегшы да пакоя, з якога ішло задымленне, я адкрыў дзверы, яны былі не зачынены. У твар ударыла гарачае паветра і дым. Я зайшоў унутр і пачаў абследаваць памяшканне. У самім пакоі ўжо быў агонь, зайсці туды я не змог. Я выйшаў назад у агульны калідор і патэлефанаваў на цэнтр аператыўнага ўпраўлення, каб пацвердзіць інфармацыю аб пажары. У гэты час я вярнуўся назад унутр, дзверы ў туалет былі прыадчынены. Адчыніўшы іх поўнасцю, на падлозе ўбачыў мужчыну, ён быў без прытомнасці. Я выцягнуў яго ў агульны калідор і зачыніў дзверы ў пакой. У гэты час пачалі выходзіць жыльцы, двум мужчынам я сказаў, каб яны вынеслі выратаванага на лесвічную клетку, а сам пачаў стукаць у дзверы ўсіх пакояў, і гаварыць, каб людзі выходзілі на вуліцу".

Гэты ж медаль атрымаў і камандзір аддзялення пажарнай аварыйна-выратавальнай часці нумар 1 Лоеўскага раённага аддзела па надзвычайных сітуацыях Гомельскага абласнога ўпраўлення МНС Барыс Грыцкоў. Ён выратаваў дзесяцікласніц, якія танулі на рацэ Днепр. Гуляючы ля ракі, школьніцы заўважылі дзяўчынку, якая танула, і дапамаглі ёй выратавацца, але самі выбрацца на бераг не здолелі. На дапамогу ім прыйшоў выратавальнік, які ішоў міма.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі