13 лістапада, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка даў згоду на назначэнне шэрага новых кіраўнікоў мясцовай вертыкалі ўлады, перадае карэспандэнт БЕЛТА.
На пасаду першага намесніка старшыні Гомельскага аблвыканкама ўзгоднена кандыдатура Генадзя Салаўя, які да гэтага часу працаваў на пасадзе старшыні Нясвіжскага райвыканкама.
Мікалай Кароцін, раней дырэктар РУП "Праектны інстытут Магілёўдзіпразем", будзе працаваць першым намеснікам старшыні Магілёўскага аблвыканкама.
Аляксандр Лукашэнка таксама даў згоду на назначэнне кіраўнікоў раёнаў. Чачэрскі райвыканкам узначаліць Юрый Дзеркачоў, Андрэй Бараноўскі зойме пасаду старшыні Акцябрскага райвыканкама, старшынёй Шумілінскага райвыканкама стане Алег Быкаў. Усе яны раней працавалі ў мясцовай вертыкалі ўлады на розных пасадах.
Акрамя таго, кіраўнік дзяржавы ўзгадніў назначэнне Івана Рабкаўца на пасаду старшыні Пінскага гарвыканкама. Да гэтага часу ён працаваў на пасадзе намесніка міністра транспарту і камунікацый.-0-
