12 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Туркменістана Гурбангулы Бердымухамедава з Міжнародным днём нейтралітэту. Аб гэтым БЕЛТА паведамілі ў прэс-службе беларускага лідара.
"Кіруючыся ў знешняй палітыцы гэтым прынцыпам, ваша краіна дэманструе прыклад добрасуседства і паспяховага развіцця супрацоўніцтва з усімі дзяржавамі, - гаворыцца ў віншаванні. - Падтрымліваючы канструктыўныя міжнародныя ініцыятывы Туркменістана, Беларусь тым самым пацвярджае прыхільнасць да ўмацавання дружалюбных сувязей паміж нашымі народамі".
Кіраўнік дзяржавы выказаў перакананне, што стратэгічнае ўзаемадзеянне дзвюх краін будзе і ў далейшым служыць высокай мэце забеспячэння міру, бяспекі і грамадзянскай згоды.
Аляксандр Лукашэнка пажадаў Гурбангулы Бердымухамедаву добрага здароўя і ажыццяўлення задуманага, а жыхарам брацкага Туркменістана - шчасця і працвітання.-0-
