26 красавіка, Нараўлянскі раён /Кар. БЕЛТА/. Прэзідэнт Беларусі Аляксандр Лукашэнка 26 красавіка ў час рабочай паездкі ў Гомельскую вобласць усклаў кветкі да гранітнага мемарыяла памяці выселеным вёскам Нараўлянскага сельсавета ў аграгарадку Завайць, паведамляе карэспандэнт БЕЛТА.
Помнік быў адкрыты ў бягучым годзе да 34-й гадавіны аварыі на Чарнобыльскай АЭС. Ён устаноўлены побач з Завайцянскім сельскім домам культуры.
Мемарыял уяўляе сабой трохконтурнае збудаванне, на якім паказаны тры дамы. Яны аб'яднаны ў адну кампазіцыю і сімвалізуюць вёскі Нараўлянскага (у 1986 годзе - Завайцянскага) сельсавета: Раманаўку, Смалегаўскую Рудню і Смалегаў. Жыхары гэтых вёсак пасля аварыі на ЧАЭС былі пераселены ў не забруджаныя радыёнуклідамі рэгіёны.-0-
