ДЗЯРЖОРГАНЫДЗЯРЖОРГАНЫ
Флаг Субота, 25 чэрвеня 2022
Мінск Ясна +17°C
Усе навіны
Усе навіны
Прэзідэнт
10 мая 2022, 13:19

Лукашэнка ўпэўнены, што стаўка на павышэнне мабільнасці Узброеных Сіл Беларусі сябе апраўдала

У час нарады
У час нарады

10 мая, Мінск /Кар. БЕЛТА/. Прэзідэнт Беларусі Аляксандр Лукашэнка ўпэўнены, што зробленая амаль 10 лет таму стаўка на павышэнне мабільнасці Узброеных Сіл Беларусі сябе апраўдала. Аб гэтым кіраўнік дзяржавы заявіў на нарадзе ў Мінску па пытанні дзяржабаронзаказу на 2022 год, перадае карэспандэнт БЕЛТА.

"Яшчэ раз звяртаюся да ўрокаў і вопыту ўкраінскага канфлікту. Падкрэслю асабліва: калі танкі, то вельмі папулярныя сярод ваенных Т-72. Мадэрнізаваныя нашы танкі - добрая зброя. А што датычыцца лёгкабраніраваных аўтамабіляў "Кайман", таксама помніце - мы рабілі крэн на тое, што ўсё ж такі армія наша павінна быць мабільнай. Зноў урок Украіны. Самымі эфектыўнымі, у тым ліку з боку ўкраінскіх Узброеных Сіл, аказаліся мабільныя групы, якія імгненна, нечакана набліжаліся да праціўніка, які значна іх пераўзыходзіць", - адзначыў кіраўнік дзяржавы.

Але для гэтага, прадоўжыў Аляксандр Лукашэнка, патрэбны сродкі перамяшчэння, каб уначы або на працягу гадзіны-дзвюх, што дазваляе развітая дарожная інфраструктура Беларусі, падысці да любога ачага, які зафіксуе разведка, і нанесці ўдар. "Інакш кажучы, вельмі рухомыя павінны быць часці. І на гэтым трэба сканцэнтравацца. Вядома, і С-400 добра, і суперсучасныя самалёты, і іншае. Але, як бачылі зноў урок, вялікія высокатэхналагічныя сілы, будзе гэта ЗША або НАТА, валодаюць каласальным патэнцыялам, каб за 1-2 гадзіны знішчыць усякія аэрадромы і іншае. І куды вы будзеце саджаць свае самалёты? Больш таго, жывучасць гэтых самалётаў сёння ўсяго нічога. Таму куды ні кінь, усюды мабільнасць, мабільнасць і яшчэ раз мабільнасць", - падкрэсліў Прэзідэнт.

Ён нагадаў, што яшчэ амаль 10 гадоў таму пераканаў ісці ў Беларусі гэтым шляхам. "І, як аказалася сёння, наша праўда, мы ў гэтым плане выйгралі. Няхай 65-70 тыс. армія. Здавалася б, невялікая. Але і немалая. Яна вельмі мабільная. Раптоўнасць, нечаканасць у любой вайне мелі важную ролю. А для гэтага трэба быць мабільнымі. Так мы і будавалі, і перабудоўвалі трэці або чацвёрты раз свае Узброеныя Сілы, сваю армію", - сказаў кіраўнік дзяржавы.

Аляксандр Лукашэнка звярнуў увагу, што яшчэ адзін урок з канфлікту ва Украіне - гэта неабходнасць забеспячэння надзейнай сувязі: "Вельмі шмат пытанняў было да сродкаў сувязі. Але гэта наша тэма. І не дай бог нават ва ўмовах мірнага часу, на вучэннях або нечакана недзе будуць падняты нашы часці (у нас ёсць і сістэмы падаўлення сувязі), вы страціце сувязь паміж сваімі падраздзяленнямі. Таму паглядзіце на гэта. Без сувязі няма арміі. Не трэба ніякая зброя, нічога не трэба, калі няма сувязі".

Што датычыцца дзяржабаронзаказу, Прэзідэнт азначыў, што калі яшчэ нядаўна пры абмеркаванні гэтай тэмы ў цэнтры стратэгічнага ўпраўлення ў Мінабароны размова ішла аб значных закупках узбраенняў, то цяпер відавочна, што неабходны іншы падыход. "Цяпер паглядзелі, урокі зрабілі і бачым, што нам трэба мяняць пазіцыю. Нам столькі і такой зброі, якую мы хацелі мець, не трэба", - сказаў кіраўнік дзяржавы.

Паводле яго слоў, узбраенні неабходны перш за ўсё зыходзячы з магчымасцей Узброеных Сіл і тых умоў, у якіх, не дай бог, давядзецца ваяваць. "Мы не збіраемся ні на кога нападаць. І гэта (Беларусь. - Заўвага БЕЛТА) не Сірыя, не Ірак, не адкрытая мясцовасць - пустыня. А лясіста-балоцістая мясцовасць. Так, тэрыторыя Беларусі моцна змянілася пасля апошняй вайны, але, тым не менш, дабра, як лясы і рэкі (а гэта перашкода для любой арміі, асабліва агрэсара), хапае", - адзначыў Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі