ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск Малавоблачна -4°C
Усе навіны
Усе навіны
Прэзідэнт
08 кастрычніка 2021, 15:22

Лукашэнка ўпэўнены, што Белкаапсаюз можа канкурыраваць з гандлёвымі сеткамі ў рабоце з пастаўшчыкамі

Аляксандр Лукашэнка
Аляксандр Лукашэнка

8 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка ўпэўнены, што Белкаапсаюз можа канкурыраваць з іншымі гандлёвымі сеткамі ў рабоце з пастаўшчыкамі. Аб гэтым кіраўнік дзяржавы заявіў сёння на агульным сходзе прадстаўнікоў членаў Беларускага рэспубліканскага саюза спажывецкіх таварыстваў, перадае карэспандэнт БЕЛТА.

"Для спажыўкааперацыі застаецца важнай задачай стварэнне адзінай сістэмы аптовых закупак. Менавіта ў гэтым звяне можа губляцца ад 5 працэнтаў да 10 працэнтаў дабаўленай вартасці. Вы ведаеце маё стаўленне да неабгрунтаваных пасрэднікаў", - сказаў Аляксандр Лукашэнка.

На базе аптова-лагістычнага цэнтра такая сістэма ў першым набліжэнні ўжо створана. Гэты цэнтр павінен выступаць адзіным аператарам для работы з айчыннымі вытворцамі.

"Тым не менш работа да гэтага часу не завершана. Як мне дакладваюць, пастаўшчыкі прымяняюць зусім розныя падыходы да прадастаўлення скідак для арганізацый спажывецкай кааперацыі і прадстаўнікоў буйных сетак. Такім чынам і цэны для спажыўца моцна адрозніваюцца. Папярэджваю, гэта гульня з агнём. Міністр гандлю і віцэ-прэм'ер, якія прысутнічаюць тут, калі ласка, звярніце на гэта ўвагу. Тут ім трэба дапамагчы, - даручыў кіраўнік дзяржавы. - Глядзіце, як паводзяць сябе гандлёвыя сеткі. Яны літаральна дыктуюць пастаўшчыкам свае ўмовы, пад любой прычынай рукі ім выкручваюць па цэнавых параметрах. А вы? Мала таго што кожная структура з'яўляецца асобным пакупніком, дык яшчэ і канкурыруеце паміж сабой. Аб'яднуйцеся і памятайце, што Белкаапсаюз - самая буйная гандлёвая сетка ў краіне".

Прэзідэнт падкрэсліў, што ад размоў і планаў неабходна пераходзіць да рэальных дзеянняў. "Тэрмін на завяршэнне праекта - 1 год. Больш да гэтай тэмы я вяртацца не буду", - папярэдзіў Аляксандр Лукашэнка. Ён даручыў старшыні КДК Васілю Герасімаву ўзяць гэтыя пытанні на "жалезабетонны кантроль".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі