2 снежня, Мінск /Кар. БЕЛТА/. У сучасных умовах, калі нарастаюць выклікі і пагрозы, саюзніцтва набывае ўсё больш важкі сэнс. Аб гэтым Прэзідэнт Беларусі Аляксандр Лукашэнка заявіў на сесіі Савета калектыўнай бяспекі АДКБ, перадае карэспандэнт БЕЛТА.
Кіраўнік дзяржавы звярнуў увагу: на гэты час многія зразумелі, што свет не будзе такім, як год або два таму, і ўжо тым больш, якім мы яго сабе ўяўлялі. "Аднак ва ўмовах паўсюднай канфліктнасці і з новымі прыйшоўшымі да нас хваробамі нам трэба будзе жыць і развівацца. Гадаваць дзяцей, радавацца дабру, радавацца адзін аднаму. Любымі спосабамі захоўваючы тую тонкую грань, якая аддзяляе чалавецтва ад катастрофы", - адзначыў Аляксандр Лукашэнка.
"Сёння ад нас з улікам дынамікі выклікаў і пагроз патрабуецца не проста падтрыманне бягучага ўзаемадзеяння, але і яго нарошчванне. У сучасных умовах саюзніцтва набывае ўсё больш важкі сэнс. АДКБ павінна паказаць сваё ўменне інтэнсіўна і надзейна працаваць у палітычным, ваенным і інфармацыйным вымярэннях, а таксама эфектыўна процістаяць тэрарызму і экстрэмізму, незаконнаму абароту наркотыкаў, дзейнічаць на апярэджанне і пазбягаць сацыяльных бедстваў", - падкрэсліў беларускі лідар.
Аляксандр Лукашэнка перакананы, што важна не толькі своечасова выяўляць новыя выклікі і пагрозы, але і запускаць механізмы іх адбіцця, максімальна збліжаючы пазіцыі дзяржаў-членаў па калектыўным рэагаванні. "Думаю, у нас гэта атрымаецца", - рэзюмаваў Прэзідэнт.-0-
