Мабільная версія
ДЗЯРЖОРГАНЫ

Апошнія навіны
Усе навіны

Лукашэнка ў Палацы Незалежнасці прыняў высокіх гасцей II Еўрапейскіх гульняў

Прэзідэнт 21.06.2019 | 22:34
На першым плане злева направа - Прэзідэнт Малдовы Ігар Дадон, прэм'ер-міністр Расіі Дзмітрый Мядзведзеў, Прэзідэнт Беларусі Аляксандр Лукашэнка
На першым плане злева направа - Прэзідэнт Малдовы Ігар Дадон, прэм'ер-міністр Расіі Дзмітрый Мядзведзеў, Прэзідэнт Беларусі Аляксандр Лукашэнка

21 чэрвеня, Мінск /Кацярына Крышэнік - БЕЛТА/. Прэзідэнт Беларусі Аляксандр Лукашэнка прыняў у Палацы Незалежнасці высокіх замежных гасцей, якія прыбылі ў краіну на адкрыццё II Еўрапейскіх гульняў, перадае карэспандэнт БЕЛТА.

Звяртаючыся да ўдзельнікаў урачыстай вячэры для кіраўнікоў дзяржаў, урадаў, высокіх гасцей у гонар адкрыцця II Еўрапейскіх гульняў, Прэзідэнт чарговы раз падзякаваў ім за прыезд у Беларусь. "Я перш за ўсё хачу падзякаваць усім вам за тое, што вы ў сваім шчыльным графіку знайшлі час, каб прыехаць у Беларусь. Для нас гэта вельмі ганарова, для нас гэта выгадна са многіх пазіцый, у тым ліку і камерцыйных, - сказаў Аляксандр Лукашэнка. - Свет цяпер камерцыялізаваны, таму ўсе глядзяць з гэтага пункту гледжання. Ведаюць, што калі вам спадабаецца ў Беларусі, то аб гэтым даведаюцца, пачуюць вашы родныя, блізкія, бізнес-колы".

Кіраўнік дзяржавы выказаў надзею, што замежныя госці адчуюць хараство беларускай зямлі і шчырасць народа, павязуць з сабой добрыя ўспаміны. "Самае галоўнае - я хацеў бы, каб вы акунуліся ў душэўную цеплыню нашага беларускага народа. Многія, і я перш за ўсё, лічаць, што ў Беларусь камфортна прыязджаць. Можна адпачыць, паразмаўляць, і да вас практычна ўсе паставяцца з вялікім разуменнем і ўвагай", - адзначыў Аляксандр Лукашэнка.

Сярод высокіх гасцей на ўрачыстай вячэры ў Палацы Незалежнасці прысутнічалі Прэзідэнт Малдовы Ігар Дадон, Прэзідэнт Сербіі Аляксандр Вучыч, старшыня Прэзідыума Босніі і Герцагавіны Міларад Додзік, старшыня ўрада Расійскай Федэрацыі Дзмітрый Мядзведзеў, кіраўнік Чачэнскай Рэспублікі РФ Рамзан Кадыраў.

Прэзідэнт Беларусі Аляксандр Лукашэнка і кіраўнік Чачэнскай Рэспублікі Рамзан Кадыраў
Прэзідэнт Беларусі Аляксандр Лукашэнка і кіраўнік Чачэнскай Рэспублікі Рамзан Кадыраў'

У мерапрыемстве прынялі ўдзел кіраўнікі міжнародных алімпійскіх структур, уключаючы прэзідэнта Еўрапейскіх алімпійскіх камітэтаў Янеза Качыянчыча.

Былі запрошаны і кіраўнікі розных інтэграцыйных аб'яднанняў: старшыня Калегіі ЕЭК Тыгран Саркісян, дзяржаўны сакратар Саюзнай дзяржавы Рыгор Рапота, старшыня Выканаўчага камітэта - выканаўчы сакратар СНД Сяргей Лебедзеў. Сярод высокіх гасцей урачыстай вячэры таксама старшыня парламента Азербайджана Актай Асадаў, міністр канцылярыі прэм'ер-міністра Венгрыі Гергей Гуяш, дзяржаўны міністр па гандлёвай палітыцы Вялікабрытаніі Джордж Холінгберы.

Прэзідэнт Беларусі Аляксандр Лукашэнка і дзяржаўны міністр па гандлёвай палітыцы Міністэрства знешняга гандлю Вялікабрытаніі Джордж Холінгберы
Прэзідэнт Беларусі Аляксандр Лукашэнка і дзяржаўны міністр па гандлёвай палітыцы Міністэрства знешняга гандлю Вялікабрытаніі Джордж Холінгберы'

Прэзідэнт Беларусі Аляксандр Лукашэнка і старшыня Выканаўчага камітэта - выканаўчы сакратар СНД Сяргей Лебедзеў
Прэзідэнт Беларусі Аляксандр Лукашэнка і старшыня Выканаўчага камітэта - выканаўчы сакратар СНД Сяргей Лебедзеў'

Прэзідэнт Беларусі Аляксандр Лукашэнка і старшыня Калегіі Еўразійскай эканамічнай камісіі (ЕЭК) Тыгран Саркісян
Прэзідэнт Беларусі Аляксандр Лукашэнка і старшыня Калегіі Еўразійскай эканамічнай камісіі (ЕЭК) Тыгран Саркісян'

Пасля завяршэння мерапрыемства Прэзідэнт Беларусі і замежныя госці адправіліся на цырымонію адкрыцця II Еўрапейскіх гульняў.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзіцячае "Еўрабачанне-2019" Міжнародны дзіцячы конкурс песні "Еўрабачанне-2019" пройдзе 24 лістапада ў г. Глівіцэ (Польшча).