3 снежня, Бялград /Міхаіл Маціеўскі - БЕЛТА/. У многіх скептыкаў пасля прыезду ў Беларусь мяняецца стаўленне да краіны. Аб гэтым Прэзідэнт Беларусі Аляксандр Лукашэнка заявіў сёння ў час выступлення ў Народнай скупшчыне Сербіі, перадае карэспандэнт БЕЛТА.
"За сваю доўгую палітычную кар'еру мне давялося сустрэць шмат скептыкаў, якія, аднойчы пабываўшы ў нас, кардынальна змянілі сваё стаўленне да Беларусі", - расказаў Аляксандр Лукашэнка.
Прэзідэнт запрасіў сербскіх дэпутатаў адкрыць для сябе Беларусь: ветлівую, гасцінную, прадпрымальную і адказную, багатую сваёй культурнай і гістарычнай спадчынай, сапраўды славянскую, душэўную і вельмі блізкую Сербіі. "Запэўніваю, што кожны з вас адчуе сябе ў нашай краіне як дома і ніколі не будзе расчараваны", - заявіў кіраўнік дзяржавы.-0-