30 студзеня, Мінск /Кар. БЕЛТА/. У Мінску трэба стварыць нармальныя ўмовы для жыхароў і не перанасяляць горад. Аб гэтым Прэзідэнт Беларусі Аляксандр Лукашэнка заявіў у час размовы з работнікамі ААТ "Планар", перадае карэспандэнт БЕЛТА.
"У цэнтры Мінска мы вытворчасці будаваць не будзем. Будзем выкарыстоўваць гэтыя плошчы, калі яны нам патрэбны. Усё астатняе будзем выносіць за кальцавую дарогу. У Мінску людзі павінны жыць, з дзеткамі па вуліцах хадзіць. А вытворчасці - туды, за кальцавую дарогу. Таму мы будуем метро рознымі сегментамі. Будзем і далей развіваць, каб людзі маглі за 10-15 хвілін на работу прыехаць. Каб было зручна. Мы гэта ўжо робім і гэта зробім, - сказаў Прэзідэнт. - Таму калі Мінск здольны вырабляць тое, што вы робіце на "Планары", "Інтэграле", матацыклы, веласіпеды... Мы гэта будзем рабіць. Але 2 млн чалавек (у горадзе. - Заўвага БЕЛТА). Мы брудныя вытворчасці нават за кальцавой дарогай будаваць не можам. Мы не павінны гэта рабіць. Трэба стварыць нармальныя ўмовы для мінчан, але не перанасяляць Мінск".
Аляксандр Лукашэнка расказаў, што жыллёвае будаўніцтва цяпер арыентуюць на вялікую прывязку да канкрэтных вытворчасцей: "Калі ёсць вытворчасць - будуем. Мы навучыліся хутка будаваць. Вось вытворчасць, вось дом - 100 кватэр - арэнднае жыллё. Наймай людзей, няхай працуюць. 20-30 гадоў адпрацаваў, хочаш купіць гэта жыллё - выкупляй, за капейкі ўжо. У гэтым напрамку будзем рухацца. Камусьці, можа, гэта не падабаецца. А што не падабаецца? Хочаце свой дом пабудаваць ці кватэру - будуйце, мы не забараняем".
Гаворачы пра стварэнне новых і развіццё існуючых вытворчасцей, Аляксандр Лукашэнка адзначыў, што не стаіць задача сканцэнтраваць усё ў Мінску або, наадварот, вынесці за яго межы. У гэтым пытанні будуць ісці ад зямлі, развіваючы тыя пляцоўкі, дзе ўжо склаліся пэўныя вытворчыя традыцыі, ёсць кампетэнцыі.
Прыклад - суднабудаванне, якое ў краіне вырашана адрадзіць у супрацоўніцтве з Расіяй. Галоўнай пляцоўкай для гэтага стане Пінск, дзе ёсць неабходная база. "Вядома, мы будзем рэанімаваць тую вытворчасць. Таму што там, магчыма, яшчэ засталіся тыя старыя людзі, якія гатовы моладзь узяць за руку, прывесці, паказаць, усё гэта вырабляць", - сказаў Прэзідэнт.-0-
Падпісвайцеся на нас у
